Եվրախորհրդի Վենետիկի հանձնաժողովի սահմանադրական օրենքի փորձագետները «լիովին ողջունել են» Հայաստանի Քաղաքացիական օրենսգրքի փոփոխությունների նոր նախագիծը: Այս մասին «Առավոտին» տեղեկացնում են Եվրոպայի խորհրդի մամուլի ծառայությունից:
Նրանց գնահատմամբ, փոփոխություններն ավելի կմոտեցնեն Եվրախորհրդի առջև երկրի ստանձնած պարտավորությունների կատարմանը, կնպաստեն Մարդու իրավունքների եվրոպական դատարանում՝ ընդդեմ Հայաստանի գործերով արդար որոշումների կայացմանը, օրինակ, ինչպիսին են Պողոսյանի, Բաղդասարյանի, Խաչատրյանի գործերն ընդդեմ Հայաստանի Հանրապետության:
Ըստ նախորդ շաբաթ, բայց այսօր հրապարակված եզրակացության, նրանք գտնում են, որ օրինագիծը «այդ ուղղությամբ մի քանի կարևոր կետեր է ներկայացնում», բայց մի քանի լրացումներ և «որոշ դրույթներում պարզություն և առանձնահատկություն մտցնելը, մասնավորապես նյութական վնասի փոխհատուցման հետ կապված», օգտակար կլինի օրինագծի համար:
Կարդացեք նաև
Պատրաստեց Հովհաննես ԻՇԽԱՆՅԱՆԸ
