«Եվրոմայդան»-ը «ժողովրդական» շարժում է, որի մասնակիցներն առաջին հերթին ուզում են, որպեսզի կալանքից ազատեն ցուցարարներին և ցանկանում են, որ նախագահ Վիկտոր Յանուկովիչը իր կառավարության հետ հրաժարական տա, այսպիսին է ցուցարարների միջև անցկացված հարցման արդյունքը: Հայտնում է «Կիև փոստ» թերթը:
Հարցումն իրականացրել է Ժողովրդական նախաձեռնությունների Իլկո Կուչերիվ հիմնադրամը: Այն անցկացվել է Անկախության հրապարակում հավաքված 1037 ցուցարարների հետ դեկտեմբերի 7-8-ը ընկած ժամանակահատվածում:
Ըստ հարցման, Քաղաքական կուսակցություններն ու քաղաքացիական նախաձեռնություններն այնտեղ գտնվող Ուկրաինայի շրջաններից եկածների միայն 8%-ի այցն է կազմակերպել: Մնացած 92%-ն ասել են, որ իրենց նախաձեռնությամբ են եկել:
Հարցվածների 70%-ն ասել է, որ հրապարակում գտնվելու իրենց հիմնական պատճառը նոյեմբերի 30-ին ոստիկանության՝ ցուցարարների նկատմամբ բռնություններն են: Գրեթե 54%-ն ասել է, որ այնտեղ են, քանի որ Յանուկովիչը ԵՄ-ի հետ ասոցացման պայմանագիրը չի ստորագրել:
Կարդացեք նաև
Ցույցերին մասնակցելու ընդդիմադիր ուժերի կոչի առիթով միայն 5%-ն է գտնվում այնտեղ:
«Եթե իշխանությունները ծայրահեղ միջոցների դիմեն, հավանաբար Մայդանը ծայրահեղական կդառնա, քանի որ մեր հետազոտությունները ցույց են տալիս, որ զգալի թվով մարդիկ կան, որոնք պատրաստ են կտրուկ մեթոդների դիմել», – ասել է Ժողովրդական նախաձեռնությունների տնօրեն Իրինա Բեկիշկինան, – «Անկասկած հետևանքներ կունենա (Մայդանը բռնի ուժով ցրելը)»:
Հարցվածների 82%-ն ասել է, որ իրենք ուզում են, որ ազատ արձակեն այն ցուցարարներին, որոնց ոստիկանություն են տարել : 80%-ը կառավարության հրաժարականն է ուզում, 75-ը՝ Յանուկովիչի: 38%-ը պահանջում է ազատ արձակել նախկին վարչապետ Յուլիա Տիմոշենկոյին:
Բեկիշկինան նշել է, որ ոչ մի սոցիոլոգ չէր կարող կանխագուշակել «իշխանությունների նման հիմար գործողություններ», ինչպիսին է նոյեմբերի 30-ին անպաշտպան մարդկանց ծեծելու որոշումը. «Մենք կարող ենք տեսնել, որ (ցույցերին մասնակցելու) հիմնական պատճառը դա է», – ասել է նա:
Ըստ հարցումների, ցուցարարների 49%-ը 30-54 տարեկան է, 38%-ը 15-29:
Պատրաստեց Հովհաննես ԻՇԽԱՆՅԱՆԸ
