«Ուկրաինայում տեղի ունեցող գործընթացները տեսանելի են մեզ բոլորիս: Մենք տեսնում ենք բավական լուրջ փոփոխություններ Կիեւի հասարակական կյանքում»,- այսօր «Տեսակետ» ակումբում ասաց քաղաքագետ Սերգեյ Մինասյանը:
Խոսելով Լեռնային Ղարաբաղի հակամարտության մասին, Սերգեյ Մինասյանը նշեց, որ այս հարցում կարող է ասել, որ բեկում այս տարի չարձանագրվեց: «Բարեբախտաբար պատերազմ չսկսվեց: Ալիեւ-Սարգսյան հակամարտությունը ցույց տվեց, որ հնարավոր չէ փոխել ստատուս-քվեն, որը կպահպանվի երկար ժամանակ»,- հավելեց նա:
Սերգեյ Մինասյանը գտնում է, որ հայկական կողմը, հաշվի առնելով թուրքական դիվանագիտության խաղի կանոնները, անհարմար դրության մեջ է դրել Դավութօղլուին` Շավարշ Քոչարյանի մակարդակով հնչեցնելով Ծիծեռնակաբերդ գնալու մասին հայտարարությունը: Ըստ նրա, այս ամենից հետո, ինչ էլ հայտարարի Թուրքիան, հանդիպման ավարտից հետո, հայկական կողմը հաստատ համարժեք պատասխան կտա:
Դիտարկմանն էլ, թե անհրաժեշտությո՞ւն է արդյոք Դավութօղլու- Նալբանդյան հանդիպումը` Սերգեյ Մինասյանն ասաց. «Դա կախված կլինի մեզանից, թե մենք ինչ ցույց կտանք: Հանդիպման անհրաժեշտություն մասին պարզ կլինի հանդիպման ավարտից հետո»:
Կարդացեք նաև
Եվա ՀԱԿՈԲՅԱՆ
