Ցուրտ եղանակին մարդկանց մոտ ավելի է նկատվում դեպրեսիա, անկումային տրամադրություն և եղած հիվանդությունների սրացում։ Սա նաև վերաբերում է սեռական համակարգի հիվանդություններին, նաև սեքսուալ ցանկության նվազմանը։ Սակայն ցանկության նվազումը ցուրտ եղանակին, ինչպես այսօր «Ելակետ» մամուլի ակումբում կայացած ասուլիսում նշեց Սեքսապաթոլոգիայի համալսարանական կլինիկայի ղեկավար Սևադա Հակոբյանը՝ ավելի շատ նկատվում է կանանց մոտ, քան տղամարդկանց, քանի որ կանայք ավելի են առաջնորդվում իրենց էմոցիաներով։
Նա ավելացրեց նաև, որ սեռական համակարգի հիվանդությունների զարգացմանը նպաստում է նաև ավելորդ քաշը։ Ըստ Ս. Հակոբյանի ավելի ճիշտ է շատ օգտագործել ծովամթերքներ, քանի որ նրանք քիչ քանակով կալորիաներ են պարունակում։
Սևադա Հակոբյանը հավելեց նաև, որ քիչ քանակությամբ ալկոհոլը ևս դրական ազդեցություն ունի, քանի որ հանում է ավելորդ լարվածությունը։
Ինչ վերաբերվում է դպրոցներում սեռական դաստիարակության մասին առարկա դասավանդելուն, ապա Ս . Հակոբյանը գտնում է, որ այդ իրավիճակում շատ մեծ դեր ունեն մանկավարժները և այդ առարկան դասավանդելուց առաջ նրանք պետք է սեմինարներ անցնեն հոգեբանների և սեքսապաթոլոգների մոտ։
Կարդացեք նաև
Զառա ԱՍԿԱՐՅԱՆ
