Երեկվա նիստի օրակարգը հագեցած էր: Գլխավոր հարցը Երեւանի 2014-2017 թթ. զարգացման քառամյա ծրագիրն էր, որին միայն «Բարեւ, Երեւանը» դեմ քվեարկեց: Պատճառը հիմնավորեց՝ նշելով, որ ծրագրում չկան հստակ ամրագրված լուծումներ նույնիսկ Երեւանի ամենախոցելի հարցերի վերաբերյալ՝ աղբահանության, տրանսպորտի, մետրոպոլիտենի կայարանների կառուցման, կանաչապատման մասով: Ֆինանսական աղբյուրները եւս մատնանշված չէին, ինչի պատճառով այն նման էր Տարոն Մարգարյանի նախընտրական խոստումներին:
«Մետրոպոլիտենի կառուցելու մասին Երեւանի ավագանու ընտրությունների ժամանակ էր թմբկահարվում, ընդդիմությունը մի քանի կանգառ ավելին էր խոստանում, իսկ ՀՀԿ-ն հակադարձում էր, թե այդքան մետրոպոլիտենի կայան հնարավոր չի, եւ առնվազն կիսակառույցները պիտի շահագործման հանձնվեն, բայց պարզվում է, առաջիկա 4 տարվա ընթացքում ուսումնասիրվելու է այդ հարցը, թե Վերակառուցման եւ Զարգացման եվրոպական բանկի միջոցներով պատրա՞ստ են իրագործել ծրագրի 3-րդ փուլը՝ դեպի Աջափնյակ երկու նոր կայանատեղիները կառուցել»,-փաստարկեց Ստեփան Սաֆարյանը:
Բախշյանն էլ թվարկեց կրթական ոլորտին վերաբերող իր առաջարկները, որոնք չեն ընդունվել, եւ դա հիմք է հանդիսացել, որ դեմ քվեարկի ծրագրին: «Օրինակ, առաջարկներից մեկն էլ այն էր, որ ՀՀ դպրոցների տնօրեններին արգելել փակցնել կուսակցական կրծքանշանները, որը քարոզչություն է, իսկ քարոզչությունը կրթական հաստատություններում օրենքով արգելվում է»,-ասաց տիկին Բախշյանը:
Նաեւ նշվեց, որ Երեւանի զարգացման ծրագրի շուրջ պատշաճ քննարկում չի ծավալվել, ու այն արտահայտում է միայն քաղաքապետարանի մոտեցումները:
Կարդացեք նաև
Ընդդիմությանը կենտրոնամետ ճամբարից՝ ԲՀԿ-ից, ոչ մեկը չմիացավ, նրանք տարոնականների հետ դակեցին իշխանության ծրագիրը եւ, ընդհանրապես, վերջին շրջանում ՀՀԿ-ի հետ դե ֆակտո կոալիցիա են կազմել:
Գայանե ՍԱՐԻԲԵԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Հերյուրանք.. խմբակցության ընդդիմադիր գործունեությունը որոշվում է ոչ թե միայն ամեն ինչին “դեմ” քվերակելով, այլ խմբակցության և այն ներկայացնող կուսակցության ամենօրյա գործունեությամբ. բոչ մեկի համար գաղտնիք չէ, որ նույն ԲՀԿ-ն պատրատսվում է դիմել Սահմանադրկական դատարան` վիճարկելու “Պարտադիր կուտակային ֆոնդի” մասին օրենքի նախագծի սահմանադրականությունը.. ինչ կոալիցիա կազմելու մասին կարող խոսք գնալ??
Բայց ի՞նչ դժվար եք հասկանում 🙂 ընդդիմություն ասվածը, էտ չի նշանակում, որ ցանկացած իշխանական թևից առաջարկի պիտի դեմ դուրս գան 🙂 հասկացեք վերջապես, կան դեպքեր, երբ նման գործելաոճը, որով դուք բնութագրում եք ընդդիմություն ասվածը, հակասում ա հենց ժողովրդի շահեին, ովքեր այդ մարդկանց ուղարկել են քաղաքապետարան՝ իրենց հուզող հարցերի բարձրացման և ինպաստ երկրի և ժողովրդի որոշումների կայացման համար․․․․կոալիցիա դիտել սա ուղակի խելամիտ չի, այդպես կմտածեն միայն այն մարդիկ, ում դա ձեռքնտու է․
Բառաչանք ա, ուրիշ ոչինչ…ինչինա պետք կազմի…? Մարդիկ պայքարում են նման բեզպրիդելի դեմ, որ կոալիցա կազմին ում դեմ պիտի պայքարեն?