amerikayidzayn.com. Թուրքիայի պաշտոնյաների համաձայն, դեռևս պարզ չէ, թե արդյոք Սևծովյան տնտեսական համագործակցության կազմակերպության հանդիպմանը մասնակցելու նպատակով Թուրքիայի արտգործնախարար Ահմեթ Դավութօղլուի Երևան կայանալիք այցի ընթացքում կանցկացվի երկկողմանի հանդիպում Հայաստանի արտգործնախարար Էդվարդ Նալբանդյանի հետ:
«Հուրիեթ» պարբերականի փոխանցմամբ՝ Թուրքիայի բարձրաստիճան դիվանագետներից մեկը, որը հրաժարվել է իր անունը հրապարակելուց, ասել է, թե Դավութօղլուն Հայաստանում որևէ հստակ առաջարկություն չի անելու՝ ըստ էության անդրադառնալով այն հաղորդագրությունների, որոնց համաձայն սահմանը բացելու դիմաց Թուրքիան Հայաստանին կարող է որոշակի առաջարկություններ ներկայացնել:
Թուրք դիվանագետը, որի համաձայն «նման առաջարկությունը կարող է լինել վաղաժամ և սխալ», այնուամենայնիվ նշել է, որ եթե Դավութօղլուի և Նալբանդյանի միջև երկկողմանի հարաբերություն անցկացվի, ապա նման հանդիպման ընթացքում կներկայացվի տարածաշրջանում խաղաղության հաստատման վերաբերյալ Թուրքիայի տեսլականը:
Մանրամասները՝ amerikayidzayn.com կայքում:
