«Մարդու իրավունքների պաշտպանի զեկույցի այն մասը, որը վերաբերում է օրենսդրությանը, ես պատրաստ եմ քննարկելու օմբուդսմենի հետ»,- այսօր խորհրդարանում մի քանի լրագրողների հետ զրույցում ասաց ՀՀ արդարադատության նախարար Հրայր Թովմասյանը:
Հարցին`ինքը տեղյակ եղե՞լ է ՄԻՊ-ի զեկույցի` դատավորների գործունեության գնահատականին վերաբերվող հատվածից, իր հետ քննարկվե՞լ է, նախարարն ասաց, որ ՄԻՊ-ը ոչ ոքի հետ պարտավոր չէր այն քննարկել:
Հրայր Թովմասյանն ասաց, որ դատավորի նկատմամբ ճնշում գործադրելն, ինչպես նշված է զեկույցում, քրեորեն պատժելի արարք է, և եթե դատավորն այդ մասին չի բարձրաձայնում, ապա դա էլ է քրեորեն պատժելի. «Եթե կա ճնշում, դատավորները պետք է այդքան կամք և ռիսկ ունենան այդ մասին բարձրաձայնելու: Սա է ճանապարհը, մնացածը` կաշառքի չափ և այլն, իրենց մեջ կոնկրետության անհրաժեշտություն ունեն` ով, ում, ինչ գործով, որ դեպքն է»:
Նախարարի կարծիքով, եթե կան փաստեր,օմբուդսմենի հաջորդ քայլը պետք է լինի, դրանք ներկայացնել դատախազություն:
Կարդացեք նաև
Նելլի ԳՐԻԳՈՐՅԱՆ
