Ի պաշտպանություն քաղբանտարկյալների՝ այսօր Ազատության հրապարակում էին հավաքվել նաեւ Շանթ Հարությունյանին ազատ արձակելու պահանջով հավաքված մի խումբ ակտիվիստներ: Նրանք չմիացան ՀԱԿ ակտիվիստների երթին եւ իրենց երթն անցկացրին այլ երթուղով:
«Իրենց երթն առանձին էր, որովհետեւ մի հասարակ պահանջ են դրել` Սերժիկ հեռացիր: Իսկ մենք հասկանում ենք` խնդիրը մենակ Սերժիկը չէ, այլ խնդիրը համակարգային է: Սերժիկը գնա, Մերժիկը գա, նույն բանն է լինելու: Մենք ուզում ենք ազատ անկախ Հայաստան: Կոնկրետացնելով ասում եմ` սա Մաքսային միության դեմ ցույց էր, չենք ուզում, որ Հայաստանը մտնի նոր Խորհրդային միություն: Ես Շանթի լուսանկարն եմ բռնել եւ գոչում ենք՝ ազատություն Շանթին , որովհետեւ ինքն էլ էր հենց դա ուզում: Նրա ամբողջ պայքարն այն էր, որ Հայաստանը լինի ազատ ու անկախ»,- ասաց ակտիվիստ Վրեժ Զատիկյանը:
Նա նաեւ քննադատեց ՀԱԿ-ի կազմակերպած երթը. «Մաքսային միությունը դժոխք է, այն ուժերը, որոնք դեմ չեն արտահայտվում կամ լռում են…ինձ համար Կոնգրեսը նույն դժոխային դաշտում է, ինչ ՀՀԿ-ն… նրանք ծառայում են նույն բանին եւ Սերժիկ հեռացիր գոռալով` փորձում են ամեն բան շեղել դեպի Սերժիկ հեռացիր եւ ոչ մեր դժոխային ճանապարհին, որը Մաքսային միությունն է»:
Արփինե ՍԻՄՈՆՅԱՆ
Վրեժ ջան,բայց առանց Սերժիկի հեռանալու,առանց այդ կառավարության տաալելու և նոր իշխանության ստեղծան,էդ ո՞նց եք պատկերացնում այդ եծ հարցի լուծումը:իտինգներով ու երթերով աթոռին ինդ բազմած Սերժիկը կարծում եք կլսի՞ ձեզ ու կփոշմանի՞ ստուրագրել նոր պայմանագիր:Իշխանափոխություն է պետք և անհապաղ,ազգայնական ուժերի իշխանության գալ է պետք,ովքեր կարող են չեղյալ համարել այդ ցրագրարի իրագործումը և կես ճանապարհից ետ դառձ կատարել:Թե չէ ուրիշ ի՞նչ կերպ եք պատկերացնում երկիրը դեպի Ռուսաստան տանող,ինքնագլուխ հարցեր լուծող ու ստորագրություններ դնող մեկի իրավունքի պահպանումը և այդ հարցի լուծումը…Կարծում եք թե աշխարհը կլսի ու կգա կոգնի՞ ձեզ,ռուսին կքշի՞ մեր երկրից…