Մարդու իրավունքները Հայաստանում գնալով լավացել, թե հետընթաց են ապրել.
«Մարդու իրավունքները Հայաստանում այսպիսին է`քաղաքացիական եւ լայն հասարակության անդամները կարողանում են բարձրացնել հարցեր եւ պաշտպանել իրավունքներ, բայց ցավոք երկրի կարեւորագույն մարմինները` դատաիրավական համակարգը, գործադիր իշխանությունը, տեղական ինքնակառավարման մարմինները եւ այլն, շարունակում են զանգվածային ոտնահարումները մարդու իրավունքների»,- Aravot.am-ի հետ զրույցում ասաց ՀՀ առաջին օմբուդսմեն Լարիսա Ալավերդյանը, մեկնաբանելով Հայաստանում մարդու իրավունքների վիճակը՝ դեկտեմբերի 10-ին նշվող Մարդու իրավունքների միջազգային օրվա առիթով:
Հարցին`եթե կրկին լինեիք ՀՀ մարդու իրավունքների պաշտպանը, ինչ կփոխեիք, Լարիսա Ալավերդյանն ասաց. «Ես մարդու իրավունքների ոլորտում ավելի ակտիվ կաշխատեի քաղաքացիական հասարակության կայացած սուբյեկտների հետ: Եվ մաքսիմում, եթե իմ նույն միտքը, որը մնում է ուժի մեջ, դա մարդու իրավունքների պաշտպանի դանիական մոդելն է`ավելի մոտենալ մարդու իրավունքների պաշտպանի շվեդական մոդելին: Այսինքն` սրա տարբերությունը նրանում է, որ կան այնպիսի խնդիրներ ու լիազորություններ, որոնք այսօր չունի մարդու իրավունքների Հայաստանի պաշտպանը»:
Կարդացեք նաև
Եվա ՀԱԿՈԲՅԱՆ
