Վանաձորի համայնքային ակտիվ խումբը (ՀԱԽ) Լոռու մարզի Գուգարք համայնքում նոյեմբերի 24-ին տեղի ունեցած հրդեհի պատճառով անօթեւան մնացած 6 ընտանիքների խնդրին հիմնավոր լուծում տալու նպատակով որոշել է համաքաղաքային հանգանակություն կազմակերպել:
Այդ մասին այսօր հրավիրված մամուլի ասուլիսի ժամանակ ասել են խմբի անդամները:
Օրեր առաջ խնդրի կապակցությամբ ՀԱԽ-ը հանդիպում է ունեցել Լոռու մարզպետ Արթուր Նալբանդյանի հետ և ներկայացրել իր անելիքները, ինչպես նաև ձեռք բերել համաձայնություն՝ հրդեհից տուժած ընտանիքներին աջակցելու նպատակով համագործակցելու համար:
ՀԱԽ-ը նպատակ ունի բոլոր շահագրգիռ անձանց, կազմակերպություններին և կառույցներին հրավիրելու մասնակցել դեկտեմբերի 12-ին Վանաձորի պատկերասրահում իրականացվող համաքաղաքային հանգանակությանը:
Կարդացեք նաև
Անուշ ԲՈՒԼՂԱԴԱՐՅԱՆ
