«Որակյալ եւ մատչելի դեղերի շրջանառությունը յուրաքանչյուր երկրի համար ռազմավարական խնդիր է»,-այսօր Առողջապահության ազգային ինստիտուտում տեղի ունեցած «Ազգային դեղեր-միջազգային որակ» խորագրով «Մարդու առողջություն» 10-րդ ազգային գիտաբժշկական կոնգրեսի ժամանակ ասաց առողջապահության նախարար Դերենիկ Դումանյանը:
Նախարարը հայտարարեց, որ այսօրվանից տեղական դեղ արտադրող «Լիկվոր» ընկերությունը կանցնի դեղարտադրության պատշաճ գործընթացին՝ Ջի Էմ Փի ստանդարտներին: Այս չափանիշներով դեղ արտադրելու համար «Լիկվորը» Ունիվերսալ վարկային կազմակերպությունից ստացել է 900 միլիոն դրամ վարկ:
«Լիկվոր» դեղագործական ընկերության տնօրեն Սերգեյ Մաթեւոսյանի ներկայացմամբ, Ջի Էմ Փի գործընթացը մշտապես պահանջում է մարդկային, տեխնիկական եւ ֆինասական ներդրումներ կատարել: Ընկերությանը վարկ տրամադրելու համար երկու տարի առաջ ստեղծվել է օպերատիվ շտաբ:
Նշենք, որ Կովկասի տարածաշրջանում այս ընկերությունն առաջինն է, որ ունենալու է Ջի Էմ Փի ստանդարտներ: Միջոցառմանը ներկա ՀՀ վարչապետ Տիգրան Սարգսյանը շրջեց ինստիտուտի դահլիճի նախասրահում կազմակերպված դեղագործական ցուցահանդեսին, հետաքրքրվեց՝ ինչ դեղեր ենք արտադրում ու ներմուծում:
Կարդացեք նաև
Մանրամասները՝ շուտով
Լուսինե ԲՈՒԴԱՂՅԱՆ
