Այսօր Ավան եւ Նոր Նորք վարչական շրջանների ընդհանուր իրավասության դատարանում սպասվում էին «Հարսնաքար» ռեստորանային համալիրում տեղի ունեցած բռնությունների, ռազմական բժիշկ Վահե Ավետյանի մահվան գործով ամբաստանյալների պաշտպանների ճառերը: Դատարանին էր դիմել ամբաստանյալ, «Հարսնաքարի» մատուցող Դավիթ Ադամյանի պաշտպան Սերգեյ Մկրտչյանը, որը հայտնել էր, թե վատառողջ է եւ խնդրել էր հետաձգել դատական նիստը: Նախագահող Դավիթ Հարությունյանը տեղեկացրեց, որ դա է եղել պատճառը, որ տեղեկացրել է թե մեղադրանքի կողմին, թե պաշտպաններին, որպեսզի նրանք դատարան չգան:
Դատական հաջորդ նիստը նշանակվեց դեկտեմբերի 20-ին, ժամը 14.00-ին:
Դատարան էին բերվել այս գործով 6 ամբաստանյալները:
Ռուզան ՄԻՆԱՍՅԱՆ
