Թուրքագետ Անդրանիկ Իսպիրյանի համոզմամբ, Թուրքիայի ԱԳ նախարար Ահմեդ Դավութօղլուի առաջիկա օրերի այցը Հայաստան
Հայոց ցեղասպանության 100-րդ տարելիցին ընդառաջ հայ-թուրքական հարաբերությունների առաջընթացի իմիտացիա ստեղծելու նպատակով է:
Այսօր «Ելակետ» ակումբում ասուլիսի ժամանակ նա նաեւ կարծիք հայտնեց, որ թուրք պաշտոնյայի այցը նաեւ Ռուսաստանի նախագահ Վլադիմիր Պուտինի հայաստանյան այցից հետո Թուրքիայի անհանգստություններն է ներկայացնում. «Փորձում են տարածաշրջանում հիշեցնել Թուրքիայի մասին»:
«Արևմտահայոց հարցերի ուսումնասիրության կենտրոն»-ի տնօրեն, քաղաքագետ Հայկազուն Ալվրցյանն էլ ասաց, որ Ահմեդ Դավութօղլուի այցից նահանջի տպավորություն է ստացել. «Մինչեւ որոշում կայացնելը` Հայաստան գա՞լ, թե՞ չգալ, մամուլում ոչ պատահաբար լուրեր տարածվեցին պայմանների մասին` երկու տարածք վերադարձնելու վերաբերյալ: Արձագանք չեղավ, բայց, կարծես թե, վերջին ճիգն էր արվում ինչ-որ նախապայման թելադրելու: Սա ոչ թե հայկական կողմի դիվանագիտական նվաճումն էր, այլ Ռուսաստանի ներկայության, Պուտինի կտրուկ հայտարարության` Անդրկովկասում դիրքերը ուժեղացնելու մասին»:
Կարդացեք նաև
Արփինե ՍԻՄՈՆՅԱՆ
