Առաջիկա 3 տարիների ընթացքում կատարվելու են շատ լուրջ ներդրումներ էներգախնայողության ոլորտում

Հայաստանում էներգախնայողության վերաբերյալ կան մշակված օրենքներ, ծրագրեր բոլոր ուղղություններով , բայց այդ ամենն առայժմ  միայն թղթի վրա է եղել։ Այժմ կան արդեն հստակ ծրագրեր և այդ ոլորտում կատարվելու են շատ լուրջ ներդրումներ առաջիկա 3 տարիների ընթացքում։ Այս մասին հայտնեց  ՀՀ էներգետիկայի և բնական պաշարների փոխնախարար Արեգ Գալստյանը «Սևծովյան ավազանի երկրների շենքերի էներգախնայողության» նախագծի քննարկման ժամանակ, որը տեղի ունեցավ այսօր Երևանի Ամերիկյան համալսարանի «Մանուկյան» սրահում։ Ա. Գալստյանն ավելացրեց, որ այդ ծրագիրը ֆինանսավորվելու է Եվրամիության կողմից։

Ըստ փոխնախարարի՝  Հայաստանը էներգախնայողության ոլորտում ունի 20% պոտենցիալ, ինչ նա ֆանտաստիկ թիվ է համարում Հայաստանի համար։

ՎԶԵԲ կայուն էներգիայի ֆինանսական ծրագրի ղեկավար Կարեն Արաբյանը նշեց, որ այս ծրագրի ամրապնդման համար մշակվել է հատուկ վարկային գիծ։ Այն մարդիկ, որոնք կցանկանան անցնել իրենց բնակարանի  ջեռուցման էներգախնայող ռեժիմին, կստանան 10%  գրանտ։ Նա ավելացրեց , որ ծրագրով սահմանված չէ առավելագույն կամ նվազագույն տոկոսադրույք։ Այս հարցը թողնված է բանկերի հայեցողությանը։

Կ. Արաբյանը նշեց, որ իրենք ծրագրի շրջանակներում համագործակցում են մի քանի բանկերի հետ, որոնց թվում է  «ԱԿԲԱ– Կրեդիտ Ագրիկոլ» բանկը:

Կարդացեք նաև

Երբ դու զոհաբերում ես քո սուվերենությունն ու ի պատասխան ոչինչ չես ստանում, չգիտեմ` ինչպես է դա կոչվում. Արեգ Գալստյան. «168 ժամ»

• 10:16 18.02.2017

Վարչապետը փոխնախարարների է ազատել պաշտոններից

• 13:03 11.01.2017

Մեկնարկել են էներգետիկ շուկայի ազատականացմանը միտված  աշխատանքները

• 16:02 17.11.2016

«ԱԿԲԱ– Կրեդիտ Ագրիկոլ» բանկի ներկայացուցիչ Էլիզա Հարությունյանը նշեց, որ բանկը 2006 թվականից համագործակցում է «Հայաստանի վերականգնվող Էներգետիկայի և Էներգախնայողության»  հիմնադրամի հետ և այժմ արդեն 8000 բնակիչ անցել է ջեռուցման էներգախնայող ռեժիմին, նա ավելացրեց, որ բանկը այս ծրագրի շրջանակներում շարունակելու է իր համագործակցությունը այդ ոլորտում։

 Զառա ԱՍԿԱՐՅԱՆ