Հայաստանի եւ Ուկրաինայի հետ հարաբերությունների զարգացումն, իհարկե, Ռուսաստանի համար ստրատեգիական կարեւորություն ունի. Այսօր կայացած Երեւան-Մոսկվա տեսակաուրջի ժամանակ նշեց ՌԳԱ Եվրոպայի ինստիտուտի ԱՊՀ երկրների ռազմավարական զարգացման կենտրոնի ղեկավար, պրոֆեսոր Ալեքսանդր Գուսեւը, շարունակելով, թե Ռուսաստանն այժմ հետխորհրդային տարածքում ինչ-որ կոնֆիգուրացիա է կառուցում’ դա ակնհայտ է, եւ դա չպետք է դիտարկել այն ինտեգրացիոն գործընթացների համատեքստում, որ Եվրոպայում են ընթանում:
Ըստ yerkir.am– ի, նրա խոսքերով’ թե’ Ռուսաստանի կողմից են եղել մի շարք ստրատեգիական նշանակության սխալներ, թե’ Հայաստանն էր որոշակի էտապում իր հայացքն ուղղել էր դեպի Եվրամիություն, դա ակնհայտ էր, բայց երկու երկրների ցուցաբերած ուժի ու քաղաքական կամքի շնորհիվ հնարավոր եղավ դուրս գալ այնպիսի մակարդակ, որ գիտակցվի’ Հայաստանի ինտեգրացիան Ռուսաստանի հետ, կամ Ռուսաստանի ինտեգրացիան Հայաստանի հետ անհամեմատ կարեւոր են, քան եվրաինտեգրացիան:
«Ինչ վերաբերում է Հայաստանում ստորագրված համաձայնագրերին ու սպասելիքներին, ապա պարզ է’ թե’ Երեւանում թե’ Մոսկվայում, կան մարդիկ, ովքեր ամեն կերպ փորձում են խոչընդոտել ինտեգրացիոն գործընթացներին»,- ասաց ռուս փորձագետն` իր խոսքը համեմելով ասացվածքով` «собака лает-караван идет»:
Ռուս փորձագետի կարծիքով’ կարելի է երկար խոսել այն օգուտներից, որ կստանա Հայաստանը’ Մաքսային միությանը անդամակցելով’ «դրանք հայտնի են, առաջին հերթին գազի գնի կապակցությամբ»,- նշեց նա:
Կարդացեք նաև
Նյութի մանրամասները կարդացեք սկզբնաղբյուր կայքում
