Այսօր խորհրդարանական ճեպազրույցներում ամփոփելով հինգերորդ գումարման խորհրդարանի չորրորդ նստաշրջանը, ՀՅԴ խմբակցության պատգամավոր Արծվիկ Մինասյանն առավելապես խոսեց «Գազպրոմին» «ՀայՌուսգազարդի» մասնաբաժնի վաճառքից, ասաց, որ այդ գործարքում բազմաթիվ լուրջ հարցեր դեռ անպատասխան են, եւ, որ կառավարությունը դեռ պիտի տա այն հարցերի պատասխանները, թե որտեղի՞ց է գոյացել այդ պարտքը, ինչո՞ւ պատգամավորներն ու հասարակությունը տեղյակ չէին այդ պարտքից, համարժե՞ք էր գործարքը, ի վերջո, հանրության համար արդյունքում գազը կէժանանա՞, թե՞ ոչ:
Անդրադառնալով 2014 թվականի հունվարի 1-ից պարտադիր կուտակային կենսաթոշակային համակարգի ներդրման հարցին՝ Արծվիկ Մինասյանն ասաց, որ արդեն հաջորդ շաբաթվա ընթացքում իրենք դիմումը կներկայացնեն Սահմանադրական դատարան, և մարդու իրավունքների պաշտպանի գրասենյակի մասնակցությամբ ՍԴ-ում կունենանք, իր սպասելիքներով, արդյունավետ քննարկում։
ՀՅԴ պատգամավորն ասաց, որ իրենք ՍԴ ներկայացնելու են նաև միջնորդություն՝ օրենքի գործարկումը կասեցնելու վերաբերյալ: Միջնորդության բավարարման դեպքում ՍԴ-ում այս հարցի շուրջ քննարկումները կարող են տեղափոխվել նաև հաջորդ տարի։
Դաշնակցական պատգամավորը կարծիք հայտնեց, որ կառավարությունը, «Կուտակային կենսաթոշակների մասին» օրենքում փոփոխություններ և լրացումներ կատարելու մասին» օրինագիծը ներկայացնելով Ազգային ժողով, ապացուցեց, որ ինքն էլ պատրաստ չէ այս համակարգի ներդրմանը ու համաձայնեց լրագրողների այն հարց-դիտարկումների հետ, որ միգուցե այդպիսով կառավարությունն ակնկալում է համակարգի կիրառման հետաձգում։
Կարդացեք նաև
Նելլի ԳՐԻԳՈՐՅԱՆ
Պարտադիր կուտակային կենսաթոշակային համակարգը մի տեսակ ասոցացվում է հրեական հայտնի Ռայխեր ազգանվան հետ,որի առաջին վանկն այն է,ինչ մեզ այսօր խոստանում է սոցապ նախարարությունը,իսկ երկրորդ վանկը,այն,ինչ մենք կստանանք վերջում: Իսկը,բոլշևիկների նման: