Ավելի քան մեկ ամիս Իջեւան-Բերդ ճանապարհի Վազաշեն-Պառավաքար հատվածում նոր ճանապարհի կառուցման աշխատանքներ են կատարվում:
Արդեն տեղեկացրել ենք, որ Բերդի տարածաշրջանի 15 համայնքների ղեկավարներ նամակով դիմել են նախագահ Սերժ Սարգսյանին, հայտնելով, որ նոր ճանապարհը չի ապահովում այդ հատվածում կատարվող երթեւեկի անվտանգությունն ադրբեջանական զինուժի ոտնձգություններից:
Բերդի տարածաշրջանի համայնքների ղեկավարները նպատակահարմար են գտնում ֆինանսական միջոցներն ուղղել ապահով ճանապարհի` Իջեւան-Գանձաքար-Իծաքար-Նավուր-Բերդ ճանապարհի վերանորոգմանը:
Մենք Տավուշի մարզպետ Արմեն Ղուլարյանին գրավոր դիմելով` հարցրել էինք, թե ո՞ր շինարարական կազմակերպությունն է կատարում Վազաշեն-Պառավաքար հատվածում նոր ճանապարհի շինարարությունը, որքա՞ն է ճանապարհի երկարությունը, շինարարության նախագծային արժեքը, ճանապարհի շինարարության համար երկրաբանական հետազոտություն կատարվե՞լ է, ո՞ր կազմակերպությունն է ներկայումս կատարում շինարարական աշխատանքները: Տավուշի մարզպետը մեզ պատասխանել էր, որ այդ հարցերի պատասխանները ստանալու համար հարկ է դիմել տրանսպորտի եւ կապի նախարարություն:
Կարդացեք նաև
Նույն հարցերը նոյեմբերի 29-ին էլեկտրոնային փոստով հասցեագրեցինք ՀՀ տրանսպորտի եւ կապի նախարար Գագիկ Բեգլարյանին: Դեկտեմբերի 5-ին այդ նախարարության ճանապարհաշինական վարչությունից ստացել ենք հետեւյալ պատասխանը . «Ի պատասխան Ձեր 29.11.2013 թվականի հարցման՝ հայտնում ենք, որ հայտնի դեպքերից հետո անհրաժեշտություն է առաջացել Հ-37, Մ-4-Այգեհովիտ- Վազաշեն-Պառավաքար-Այգեպար հանրապետական նշանակության ավտոճանապարհի Վազաշեն-Պառավաքար վտանգավոր հատվածում կառուցել շրջանցիկ ավտոճանապարհ: Այժմ ՀՀ տրանսպորտի եւ կապի նախարարության առաջարկությամբ «Ճաննախագիծ ինստիտուտ» ՍՊ ընկերության կողմից կատարվում են նախատեսվող շրջանցիկ ավտոճանապարհի նախագծման աշխատանքներ, որոնք ներառում են նաեւ երկրաբանական հետազոտություններ: Ելնելով կատարվող աշխատանքների հրատապությունից՝ ՀՀ տրանսպորտի եւ կապի նախարարությունն առաջարկել է «Իջեւանի ՃՇՇ» ՓԲ ընկերությանը տեղում կատարել որոշ հողային աշխատանքներ»:
Նոր ճանապահի կառուցման համար ավելի քան մեկ ամիս շինարարական աշխատանքներ են կատարվում, որը տրանսպորտի եւ կապի նախարարությունն անվանում է «որոշ հողային աշխատանքներ»: Նախարարությունը «Իջեւանի ՃՇՇ»-ին գրավո՞ր, թե՞ բանավոր է առաջարկել կատարել այդ գործը, նախագիծ դեռ չկա, տեղանքում երկրաբանական հետազոտություններ դեռ չեն կատարվել, ի՞նչ են կառուցում ճանապարհաշինարարները: Նշենք, որ այդ տարածքում սողանքի օջախ գոյություն ունի: Նախկինում Վազաշենում հանրապետական նշանակության ճանապարհը սողանքից փլվել էր, եւ 2010 թվականին պետբյուջեի միջոցներով կառուցվել է նոր, 1350 մ երկարությամբ ճանապարհ:
Ոսկան ՍԱՐԳՍՅԱՆ
Հավանաբար ճանապարհաշինարարները ,,փողերն են լվանում,,՝հանճարեղ մարզպետի և նրա խնամու ամանորյա հոգսերը հոգալու համար:Այսքան երկար ու ձիգ տարիներ միթե որևէ մեկը չհասկացավ,որ Տավուշի մարզին անհրաժեշտ է իրավիճակին տիրապետող,ժողովրդի մասին մտածող մարզպետ:Այս մարզը տեղացիների բնորոշմամբ ,,հանրապետության ամենաանտեր մարզն է,,:Պարոնայք,մի գուցե արթնանաք?
Ճանապարհը դեռ չի կառուցվում, քանզի ստեղծված հանձնաժողովականներից մեկը ՝ Խոսրով Հարությունյանը դեռևս չգիտի Հայաստանին ճանապարհները, և իր փայլուն մտքի առկայծումով առաջարկում է նոյեմբերյանով Ճանապարհ բացել դեպի Տավուշ,,,,
3,5 կմ երկարությամբ ,,Շրջանցիկ ավտոճանապարհ,,արկածախնդրությամբ պարոն Ղուլարյանը շրջանցեց ոչ միայն մի քանի նախարարությունների և ՀՀ Կառավարությանը,
այլև Շամշադինի շրջանի բնակչության անվտանգության հետ կապված հիմնահարցը,իսկ
,,Իջևանի ՃՇՇ,,ՓԲԸ–ը շինարարական աշխատանքներ է իրականացնում նախագծային
փաստաթղթեր չունենալով և առանձ որևէ մրցույթում շահած մենաշնորհի.Կարելի է
եզրակացնել,որ խնամիները յուրացրել են կառավարության գործառույթները.
Հետևելով մարզպետ Ա.Ղուլարյանի գործողություններին,թե ինչպես է նա հետևողականորեն
անտեսում բնակչության շահերը, հիշողությանս մեջ արթնանում է վերջերս ընթերցած մի
տող,- մեր հասարակությունը հիշեցնում է մի օրգանիզմ,որտեղ ուղեղի ֆունկցիան իր վրա
է վերցրել չարորակ ուռուցքը.
Անհասկանալի է նաև կապի և տրանսպորտի նախարարության վարքագիծը: Ինչ է նշանակում կատարվում են շրջանցվող հատվածի նախագծային աշխատանքներ, որոնոնք ներառելու են նաև երկրաբանական հետազոտություններ: Այսինքն նախագիծը դեռևս պատրաստ չէ և բնականաբար նշված հատվածում դեռևս երկրաբանական հետազոտություններ չեն իրականացվել: Այդ դեպքում ինչ հրատապության մասին է խոսքը, որը հաշվի առնելով ՀՀ կապի և տրանսպորտի նախարարությունն առաջարկել է «Իջեւանի ՃՇՇ» ՓԲ ընկերությանը տեղում կատարել որոշ հողային աշխատանքներ, երբ Բերդ-Իջևան ավտոճանապարհի Վազաշեն Պառավաքար հատվածը հիշյալ դեպքերից մոտ մեկ շաբաթ հետո սկսել է գործել:
Համոզված ենք, որ կապի և տրանսպորտի նախարար պ-ն Բեգլարյանն այս ամենը հաշվի կառնի և գոնե իր կողմից ղեկավարվող կառույցի աշխատանքները կկազմակերպի ՀՀ գործող օրենքներին ու ենթաօրենսդրական ակտերին համահունչ:
Հետաքրքիր է աշխարհում ավելի անտեր տեղ կա ,թե մենակ մեր ,, ջուրը տարած,, Տավուշն է: Ավելի հետաքրքիր է այն,թե այս մի կամայական գործունեությունից չոր դուրս գալու համար Ղուլարյանը ում է անհիմն վարկաբեկել վերին ատյաններում? Եվ նրան հավատացել են!Այ քեզ ժողովրդավարություն:
Արա էս երկրի իրական տերը Ղուլարանց Արմեննա,ինչ Բեգլարյան,ինչ Տիգրան և Սերժ Սարգսյաններ,2017թ.-ի նախագահական ընտրություններին իմ ձայնը տալու եմ իրան,իրան չի հասնում ,բայց հզորա:Ընտրվելուց հետո Ալիևին էլա քցելու ու դա խաբար էլ չի լինելու:
Ըստ հայերեն օնլայն բառարանի ` ղուլ – բացատրությունը – Ծառա, Ստրուկ , ղուլ – ռուսերեն թարգմանությումբ- (բրբ.) Раб. : Ազգանունը խոսուն է,գործունեությունը `ազգանվանը համապատասխան :