Շտապօգնության բժիշկներին ծեծելը, հիվանդի կյանքը փրկելու սլացող շտապօգնության մեքենաների համար մայրաքաղաքի փողոցներում խոչընդոտներ առաջացնելը մեր հասարակության մեջ տարածված երեւույթ է: Այսօր Առողջապահության ազգային ինստիտուտում այս մասին փաստեց առողջապահության նախարարության արտահիվանդանոցային բժշկական օգնության քաղաքականության բաժնի պետ Ռուզաննա Յուզբաշյանը՝ վարորդներին կոչ անելով չփակել շտապօգնության մեքենայի ճանապարհը եւ պարտադիր զիջել այդ մեքենաներին, «որովհետեւ շտապօգնությունը, որը շտապում է ինչ- որ մեկի կյանքը փրկելու, գուցե եւ ձեր հարազատն է»:
«Շտապօգնություն» ՓԲԸ-ի տնօրեն Թագուհի Ստեփանյանի ներկայացմամբ, շտապօգնության բժիշկը պետք է 20 րոպե մնա հիվանդի տանը եւ այդ ընթացքում պետք է կողմնորոշվի ինչպիսի օգնություն է պետք հիվանդին՝ տեղափոխել հիվանդանոց, թե հիվանդի տանը բուժօգնություն ցուցաբերի: Ըստ տիկին Ստեփանյանի, շատ հաճախ է պատահում, որ հիվանդանոցի ենթակա հիվանդի հարազատները հրաժարվում են հիվանդանոց տեղափոխելու շտապօգնության բժիշկների առաջարկից:
Տիկին Ստեփանյանի ներկայացմամբ, այսօր իրենց ծառայության համար խնդիր է կանչերի բարձր քանակը՝ միջին հաշվով օրական 600 կանչ, որոնցից 120 կանչ հոսպիտալիզացնում են:
Նյութի մանրամասները՝ շուտով
Լուսինե ԲՈՒԴԱՂՅԱՆ
