«Դա ձախողում չէր. ձախողում գնահատողները մոռացել էին, թե ինչպիսի հավակնություններ ուներ Արևելյան գործընկերության ծրագիրը, երբ գործունեությունը նոր էր սկսվում: Այն ժամանակ չէր ակնկալվում, թե որևէ երկրի հետ կլինի ասոցացման համաձայնագիր: Ուղղակի վերջին տարիներին ակնկալիքները Հայաստանի հետ կապված շատ հավակնոտ դարձան»,-այսօր լրագրողների հետ հանդիպմանը հայտարարեց Երևանի մամուլի ակումբի նախագահ Բորիս Նավասարդյանը՝ անդրադառնալով Վիլնյուսի գագաթաժողովի արդյունքներին և տպավորություններին:
Միևնույն ժամանակ՝ պարոն Նավասարդյանը նշեց, որ Վիլնյուսում կար նաև հիասթափության մթնոլորտ, որ համագործակցությունը Արևելյան գործընկերության շրջանակներում, մարդու իրավունքների այլ ոլորտներում բարեփոխումներ կատարելու եռանդը կարող է պակասել կամ ընդհանրապես մարել:
Բորիս Նավասարդյանը նշեց, որ սեպտեմբերի 3-ի հայտարարությունից հետո ԵՄ-ում Հայաստանի հետ կապված սպասման մեջ էին ու հանկարծ նման որոշում է Հայաստանը կայացնում:
Ընդհանուր գնահատական տալով Վիլնյուսի գագաթաժողովին՝ պարոն Նավասարդյանն ասաց. «Այնպիսի կարծիք կա, որ այս երկիրը չունի հստակ հավակնություններ և այդ երկիրը արժանի չէ միջազգային հանրության ուշադրությանը: Դա է ամենալուրջ հետևությունն է, որ կարելի է անել Վիլնյուսի գագաթաժողովից հետո»:
Կարդացեք նաև
Տաթև ՀԱՐՈՒԹՅՈՒՆՅԱՆ
