Էկոնոմիկայի նախարար Վահրամ Ավանեսյանը հայտարարել է, թե կառավարությունը մտադիր է Գյումրիի օրինակով Վանաձորում նույնպես տեխնոպարկ կառուցել, որի բացումը նախատեսվում է 2016-ին։
«ՉԻ» – Հետաքրքիր է, Հայաստանի ինչի՞ն են պետք երկու նավահանգստային քաղաքները՝ իրարից ընդամենը 40 կիլոմետր հեռավորության վրա։ Գյումրիի տեխնոպարկը, եթե հիշում եք, պիտի նաեւ նավահանգիստ ունենար։ Չլինի՞ կառավարությունը որոշել է Գյումրիի եւ Վանաձորի միջեւ ծովային հաղորդակցություն ստեղծել, թե՞ Գյումրիի նավահանգիստը հանձնվել է ռուսական նավատորմին, ու Հայաստանը մնացել է առանց «ծովային դարպասների»։
Մեր կարծիքով՝ կառավարության որոշումը շատ ավելի պարզ բացատրություն ունի։ Նրանք մանրամասն հաշվարկել են, թե գումարի քանի տոկոսն է հնարավոր յուրացնել, ասենք, «տարածաշրջանային ֆինանսական կենտրոն» ստեղծելու, մոծակների դեմ պայքարելու, ասֆալտ փոխելու եւ այլ ծրագրերի դեպքում, եւ ի վերջո եզրակացրել են, որ ամենաշահավետը տեխնոպարկ կառուցելն է։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
