Խորհրդարանական ընդդիմությունն այսօր պարտադիր կուտակային կենսաթոշակային համակարգի դեմ պայքարող ակտիվիստների հետ, հարցի խորհրդարանական տապալումից հետո , որոշում կայացրեց` հարցը վիճարկել Սահմանադրական դատարանում :
Aravot.am-ը ՀԱԿ խմբակցության ղեկավար Լեւոն Զուրաբյանից հետաքրքրվեց`երաշխիքներ կա՞ն, որ ՍԴ-ում արդյունքի կհասնեն: Լեւոն Զուրաբյանն ասաց. «Գիտեք ինչ, երբ գործ եք բռնում, բավականին բարդ գործ, պետք է օգտագործեք բոլոր գործիքները, որոնք ձեռքի տակ կան: Մենք ուղղակի հասունացնում ենք հարցի լուծումը: Կլինի՞ դա ՍԴ-ի միջոցով`լավ, չի՞ լինի, առնվազն կապահովենք հարցի շուրջ հասարակական հնչեղությունը, կհնչեն մեր կասկածները եւ պարզ կլինի, թե ի՞նչ անարդար ծրագիր է փորձում իրականացնել կառավարությունը»:
Լեւոն Զուրաբյանն այն կարծիքին է, որ ցանկացած դեպքում, պարտադիր կուտակային կենսաթոշակային համակարգին դեմ շարժումը շահելու է, որովհետեւ, խնդիր է դրված խորացնել հարցը, դրանում ներգրավել հասարակական լայն շերտերին եւ ի վերջո դրական լուծում ապահովել:
Հետաքրքրվեցինք`նկատի ունենալով ընդդիմադիրների դառը փորձը, որեւէ հարց ՍԴ-ում վիճարկելու առումով, նախատեսվա՞ծ են պայքարի այլ միջոցներ: Պարոն Զուրաբյանն ասաց. «Կյանքում փակված դուռ երբեք չի լինում: Միշտ կա առաջ ճանապարհ»:
Կարդացեք նաև
Նելլի ԳՐԻԳՈՐՅԱՆ
