«Գազի գնի ոչ էժանացում, ոչ էլ թանկացում չի լինի»,-այսօր «Հայացք» ակումբում ասաց Հայաստանի գործատուների հանրապետական միության նախագահ Գագիկ Մակարյանը:
Նրա խոսքերով՝ վերջերս էներգետիկայի եւ բնական պաշարների նախարար Արմեն Մովսիսյանի՝ գազի գնի եւ «Հայռուսգազարդի» 20 % բաժնեմասը վաճառելու վերաբերյալ արած արտահայտությունները պարզապես լղոզված մտքեր են:
Պարոն Մակարյանի դիտարկմամբ՝ «Գազպրոմը» դառնալով «Հայռուսգազարդի» 100% բաժնետեր, կառողջացնի ընկերությունը, իսկ վերահսկողությունն էլ կուժեղացնի: Տնտեսագետի կարծիքով, Հայաստանում գործող ռուսական գրեթե բոլոր ընկերություններում շատ վատ մենեջմենթ է, շատ ցածր կլասի՝ գումարներ են փոշիացնում, տանում են ընկերություններին սնանկացման, բարձր աշխատավարձեր միայն վարչական մասի բարձր տեղի պաշտոնյաններին, անհիմն ծախսեր, եւ այլն, ուստի Գազպրոմը կոնկրետ «Հայռուսգազարդում» սա հնարավոր է կփոխի:
Պարոն Մակարյանը նաեւ համոզմունք հայտնեց, որ կառավարությունն ու Ազգային ժողովն ի վերջո կնահանջեն պարտադիր կուտակային կենսաթոշակների վերաբերյալ նախագծի հարցում, քանի որ հասարակական ճնշումները բավականին ուժեղ են:
Կարդացեք նաև
Մանրամասներն՝ առաջիկայում
Նելլի ԲԱԲԱՅԱՆ
