«Ինձ Հերացու կամրջի վրայից են բերման ենթարկել, երբ պաստառներ էինք փակցնում: Բերման ենթարկման փորձը ապօրինի էր. մեզ չասացին, որ տանում են, ասացին, թե հրավիրում են ոստիկանություն: Մենք ընկերներ չենք, որ մեզ հրավիրեն սուրճ խմելու»,-այսօր «Մեդիա կենտրոնում» պատմեց երեկ ընդդեմ Մաքսային միության և ընդդեմ ՀՀ ինքնիշխանության կորստի Պուտինի այցին ընդառաջ կազմակերպված բողոքի ակցիաների ընթացքում բերման ենթարկված Զառա Հովհաննիսյանը:
Այնուհետև նա շարունակեց. «Հայտնվեցինք ոստիկանության բաժանմունքում և այնտեղ երկու ժամ ոչ մի պրոցես չէր կատարվում: Տարօրինակն այն է, որ միայն երկուսուկես ժամ հետո մեզ զննեցին: Ամբողջ պրոցեսը բավական անգրագետ էր կատարվում»:
Զառա Հովհաննիսյանը նաև մի դրվագ պատմեց իր և Երևանի ոստիկանապետ Աշոտ Կարապետյանի զրույցից: Նա նշեց, թե երբ ինքը հարցրել է ոստիկանապետին՝ ինչու են մարդկանց բերման ենթարկում, նա պատասխանել է. «Որ դու այստեղից ցվրվեիր, լավ կլիներ»:
Տաթև ՀԱՐՈՒԹՅՈՒՆՅԱՆ
Կարդացեք նաև
Մանրասները՝ շուտով
