Հատված ՀԱԿ խմբակցության պատգամավոր Լյուդմիլա Սարգսյանի հարցազրույցից:
– Ինչո՞ւ չմիացաք Պուտինի դեմ ակցիաներին։ Ընդդիմություն եք, չէ՞։ Իշխանությունները չմիանան, դուք չմիանաք, ո՞նց
կլինի։
– Պուտինի դեմ ակցիաները ևս ես տրամաբանական չեմ համարում, եթե մենք ինչ-որ պահանջ, դժգոհություն ունենք, պետք է ներկայացնենք Բաղրամյան 26, իսկ Պուտինը մեր գործընկեր երկրի ղեկավարն է, որը պաշտոնական այցով ժամանել էր Հայաստան, և չեմ կարծում, թե պետք էր ինչ-որ տեսարաններ սարքել նրան ընդունելիս կամ ճանապարհելիս։
Կարդացեք նաև
– Չէ, բողոքավորներն ասում են, Պուտինն «օկուպացնում» է Հայաստանը։
– Լավ է անում։ Ուրեմն Հայաստանի իշխանությունն էնքան գիտակից ու ամուր դիրքերում թող մնա, որ ոչ մեկը չկարողանա օկուպացնել մեզ։
– Բայց ոնց որ, բացի իշխանություններից, մնացածս էլ ենք ուզում «օկուպացված» լինի Հայաստանը՝ աչքիս։
– Ո՛չ, էդպես չէ. գերտերությունների խնդիրն իրենց աշխարհագրական շահերն սպասարկելն է, ուրիշ ոչինչ։ Չգիտեմ՝ ովքեր ինչ են ուզում, մենք, որպես հնչակյան կուսակցություն, համարում ենք, որ Ռուսաստանն ամենանախընտրելի գործընկերն է Հայաստանի համար՝ շահերի տեսանկյունից։ Բայց դա չի նշանակում, որ մենք դեմ ենք եվրաինտեգրմանը, դեմ ենք եվրոպական որոշ արժեքների։
Ճեպազրույցը՝ Կարմեն ԴԱՎԹՅԱՆԻ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
