Ռուսաստանի Դաշնության նախագահ Վլադիմիր Պուտինի այցը Հայաստան մեծ աժիոտաժ ստեղծեց Հայաստանի քաղաքացիների մոտ: Aravot.am-ը, հարցում կատարելով Երևանի փողոցներում, փորձեց ճշտել, թե ի՞նչ կասեին քաղաքացիներն անձամբ Վլադիմիր Պուտինին:
Քաղաքացիների մի մասն ընդհանրապես չէր պատկերացնում՝ ի՞նչ կարելի է ասել, փոխարեն՝ շատերը ցանկանում էին խոսել Հայաստանի Հանրապետության նախագահ Սերժ Սարգսյանի հետ.
«Պուտինը գերազանց քաղաքական գործիչ է, բայց ես իրեն ասելու բան չունեմ. ես իր համար ո՞վ եմ: Ես ասելիք ունեմ Սերժին»:
Մի քաղաքացի էլ ուղղակի խորհուրդ կտար ՌԴ նախագահին չնվաստացնել Հայաստանը: Հարցվածներից շատերը ցանկանում էին ուղղակի բարի գալուստ մաղթել, ոմանք էլ անգամ սեր խոստովանել նախագահին.
Կարդացեք նաև
«Ես ուղղակի կասեմ, ապրե՛ք: Նա մեծ քաղաքական գործիչ է, նա աշխարհի տերն է: Հայաստանում պետք է Պուտինի արձանը կանգնեցվի, թե չէ ի՞նչ է կատարվում ի՞նչ արձան նայում ես մահացածների արձաններ են: Մեր հայերը պետք է հասկանան, որ Հայաստանի ապագան կախված է Պուտինից. Պուտինը ձեռքը շրջի՝ վե՛րջ, վերացած ենք: Օրինակ պետք է վերցնենք ադրբեջանցիներից, որ Պուտինն Ադրբեջան էր գնացել, չթողեցին ոտքը գետնին դնի. գլուխները դրեցին նրա ոտքերի տակ»:
Քաղաքացիներից շատերն էլ ուղղակի Վլադիմիր Պուտինին մաղթում էին առողջություն, երկար տարիների կյանք և հավատք դեպի աստված:
Հարցման մանրամասները՝ տեսանյութում:
Ամի ՉԻՉԱԿՅԱՆ
