Երեւանի ոստիկանապետ Աշոտ Կարապետյանը նոր առաջարկություն արեց ակտիվիստներին: Նա առաջարկել է կամ բոլոր ակտիվիստներով, կամ նախաձեռնող խմբից երկու հոգի գնան Կենտրոնի ոստիկանական բաժանմունք, որտեղ այս պահին գտնվում են բերման ենթարկված ակտիվիստները:
Երբ քննարկում էին առաջարկը, որոշ ակտիվիստներ ընդդիմացան, պնդելով, որ ոստիկանությունը ձգձգում է մինչեւ բոլորին ցրեն տարածքից:
Ի վերջո, ակտիվիստները որոշեցին, որ միայն երկուսն են գնալու՝ Նարեկ Սամսոնյանը եւ Արմեն Մկրտչյանը, իրենց հետ բերելու բերման ենթարկվածներին, որոնց թիվը անցնում է 20-ը:
Բայց այս պահին Հանրապետության հրապարակ մետրոյի մոտակայքում շատ քիչ ակտիվիստներ են մնացել, մնացածը հեռացել են:
Կարդացեք նաև
Հեռացողներից իրավապաշտպան Արթուր Սաքունցը հեռացել է հիասթափված ակտիվիստների եւ ոստիկանապետի բանակցություններից:
Տարածքը հսկում են մեծ թվով ոստիկաններ:
Արփինե ՍԻՄՈՆՅԱՆ
Հ. Գ. Կենտրոնի ոստիկանությունում այս լուսանկարն արել է բերման ենթարկված Լեւոն Բարսեղյանը:
