Վերահսկիչ պալատի 2014 թվականի գործունեության ծրագիրն այսօր խորհրդարանում ներկայացնում էր ՎՊ խորհրդի անդամ Լիլիթ Գեւորգյանը, քանի որ ՎՊ նախագահ Իշխան Զաքարյանն աշխատանքային այցով գտնվում է Արցախում։
Այդ իրողությունը դուր չեկավ ՀԱԿ խմբակցության անդամ Նիկոլ Փաշինյանին: Վերջինս դժգոհություն հայտնեց, որ ՎՊ նախագահ Իշխան Զաքարյանն իրավունք չուներ գնալ Արցախ՝ շատ լավ իմանալով, որ օրենսդիր մարմնում քննարկվելու է հաջորդ տարվա ՎՊ գործունեության ծրագիրը. «Իրեն հենց այդպես էլ կփոխանցեք, որ իրավունք չուներ գնալու, թող հինգշաբթի օրը կամ վաղը գնար գործուղման։ Սա ի՞նչ գործելակերպ է, այս հարցին ԱԺ ղեկավարությունն ու մեծամասնությունը պետք է լուրջ ուշադրություն դարձնի»։
Ի դեպ, Նիկոլ Փաշինյանն այսօր էլ չշրջանցեց Իշխան Զաքարյանի առանձնատան թեման:
Էդուարդ Շարմազանովն արձագանքելով՝ նշեց, որ Լիլիթ Գևորգյանին պետք էր թեմայի վերաբերյալ հարց ուղղել, որովհետև նա Իշխան Զաքարյանի վստահված անձը չէ, որ պատասխանի, թե որտեղ է ՎՊ նախագահը։
Կարդացեք նաև
Նելլի ԳՐԻԳՈՐՅԱՆ
