Ստամբուլում Ուկրաինայի գլխավոր հյուպատոս Բոգդան Յարմենկոն հեռացվել է աշխատանքից՝ Կիևում ցույցերի ժամանակ տեղի ունեցած բռնությունները քննադատելու համար: Հայտնում է «Էռ Բե Կա» լրատվականը:
Շաբաթ օրը նա քննադատել էր ոստիկանության հատուկ ստորաբաժանման` Բերկութի գործողությունները, որը ուժ կիրառելով` ցրում էր Մայդանի հրապարակի ցույցը:
«Այդպես վարվում են անգութ մարդիկ և զավթիչները: Այդպես վարվում էին ֆաշիստները: Նման մարտավարությամբ ու անհասկանալի դաժանությամբ, դուք խայտառակեցիք մեր հայրերի և պապերի հիշողությունը, դուք սպայի պատիվը գետնին հավասարեցրիք, նսեմացրիք իրավապահ մարմիններին և ամբողջ ուկրաինական իշխանությանը: Դուք քաղաքացիների և կառավարության միջև սեպ խրեցիք և ատելություն առաջացրիք, ինչով ահավոր բարդացրիք երկրի իրադարձությունը, դուք հուսախաբ արեցիք ձեր հրամանատարներին, ահավոր բարդացրիք գերագույն հրամանատարի քաղաքական ապագան», – Ֆեսյբուքի իր էջում գրել էր պաշտոնյան:
Ավելի ուշ Ուկրաինայի ԱԳՆ-ն Յարմենկոյին մեղադրել է՝ պետական ծառայողի տված երդումը խախտելու համար:
Կարդացեք նաև
Պատրաստեց Հովհաննես ԻՇԽԱՆՅԱՆԸ
