Տավուշի մարզի ընդհանուր իրավասության դատարանի նախագահ Սամվել Մարդանյանին հարցրեցինք, թե ի՞նչ է պատճառը, որ այդ դատարանի դատավոր Ռաֆիկ Մելքոնյանը Լյուքս Ստեփանյանի մահվան գործով ինքնաբացարկ է հայտնել: Պարոն Մարդանյանի խոսքերով՝ Ռաֆիկ Մելքոնյանը հայտնել է, որ Լյուքս Ստեփանյանն իր բարեկամն է: Մեր հարցին պատասխանելով՝ Ս. Մարդանյանն ասաց, որ Ռ. Մելքոնյանը ծագումով Մարտունու տարածաշրջանից է:
Լյուքս Ստեփանյանի մահվան գործով քրեական գործն ուղարկվել է Տավուշի մարզի ընդհանուր իրավասության դատարանի դատավոր Զոյա Զաքինյանին: Վերջինս պաշտոնավարում է Բերդ քաղաքում: Զ. Զաքինյանը մեզ հետ զրույցում ասաց, որ դատական նիստերը կկայանան Բերդ քաղաքում:
Դատաքննության առաջին նիստը դեռ նշանակված չէ, քանի որ Զ. Զաքինյանը նոր է ծանոթանում քրեական գործին:
Ոսկան ՍԱՐԳՍՅԱՆ
