Եվրոպայի մարդու իրավունքների դատարանի որոշմամբ Բելգիան 40 հազար եվրո կվճարի մահացած հայի ընտանիքին, որը այդ երկրից ապաստան էր խնդրել: Հայտնում է «Էկսպատիկա» լրատվականը:
Հայաստանի քաղաքացին մեկնել էր Բելգիա՝ լյարդի փոխպատվաստման համար, սակայն չէր կարողացել կացության թույլտվություն ստանալ: Անցած տարի ՄԻԵԴ-ը Բելգիային դատապարտել էր` պնդելով, որ հայը պետք է անհրաժեշտ բժշկական օգնություն ստանա: Դրանից մոտ մեկ ամիս անց նա մահացել է:
Բրյուսելի «Պրոգրես» իրավաբանական ցանցից Իվո Ֆլաչետն ասել է. «Չնայած Եվրոդատարանի կարգադրությանը, նա չի ստացել անհրաժեշտ բուժօգնությունը: Համաձայնելով ընտանիքի ներկայացրած բողոքին` Բելգիայի կառավարությունը ընդունել է, որ խախտել է մարդու իրավունքների հռչակագրի կյանքի իրավունքի և մարդասիրական վերաբերմունքի դրույթները»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
