«Ծխախոտը քո, իմ և բոլորի թշնամին է» ակցիայի շրջանակներում Երևանի փողոցներում արդեն երկու շաբաթ է երիտասարդները վահանակներով շրջում են փողոցներում, մոտենում անցորդներին և նրանց բաժանում ծխախոտի վնասակարության մասին պատմող թռուցիկներ:
«Իրազեկում և բարեփոխում» ՀԿ-ի կողմից անցկացվող «Ծխախոտը քո, իմ և բոլորի թշնամին է» հակածխախոտային ակցիան իրականացվում է Հայաստանի երիտասարդական հիմնադրամի` որպես ՀՀ նախագահի կողմից ընտրված գործընկեր կազմակերպության կողմից հայտարարված դրամաշնորհային մրցույթի շրջանակներում։
Ծրագրի ղեկավար Գայանե Ասրյանը, խոսելով ծրագրի նպատակի մասին, շեշտեց. «Ծրագրի թիրախը միայն ակտիվ ծխողները չեն, մենք նպատակ ունենք ծխախոտի վնասակարության մասին տեղեկատվությունը հասանելի դարձնել նաև պասիվ ծխողներին: Հենց այս պատճառով մշակել և մատչելի ենք դարձրել մատուցվող տեղեկատվությունը: Ակցիայի դեպքում ընտրվել է տեղեկատվության մատուցման նորարարական և արդյունավետ մոտեցում»: Լուսային վահանակները և թռուցիկները տեղեկացնում են ինչպես առողջության համար ծխախոտի վնասակարության, այնպես էլ ծխելը ճիշտ թողնելու ցուցումներ:
Տեղեկացնենք, որ ակցիան իրականացվում է նոյեմբերի 9-ից դեկտեմբերի 8-ը:
Կարդացեք նաև
Հայաստանի երիտասարդական հիմնադրամի
հասարակայնության հետ կապերի ծառայություն
