Ռուսաստանի վարչապետ Դմիտրի Մեդվեդևը «Ռոսատոմ»-ին հանձնարարել է ՌԴ իշխանության անունից Հայաստանի կառավարության հետ միջուկային անվտանգության համաձայնագիր ստորագրել: Հայտնում է «Ռոսբալտ» լրատվականը:
Նախագծում ասվում է, որ կողմերը կհամագործակցեն «Հայկական ատոմակայանը շահագործելու հետ կապված` Հայաստանի միջուկային անվտանգության ենթակառուցվածքները կատարելագործելու և նոր էներգաբլոկներ կառուցելու նպատակով»:
Այս աշխատանքները կիրականացվեն ՄԱԳԱՏԷ-ի (Ատոմային էներգիայի միջազգային գործակալություն) ցուցումներին համապատասխան:
Կարդացեք նաև
Ենթադրվում է, որ համագործակցությունը մի քանի ուղղություն կունենա, այդ թվում` նորարարական միջուկային էներգիայի զարգացման ոլորտում: Երկրները նաև ծրագրում են կատարելագործել գործածված միջուկային վառելիքի և ռադիոակտիվ թափոնների հետ վարվելու անտվանգությունը:
Պատրաստեց Հովհաննես ԻՇԽԱՆՅԱՆԸ
