Քաղաքացիական ակտիվիստ Վարդգես Գասպարին այսօրվանից սկսած այլեւս ոչ մի առնչություն չի ունենալու Մարդու իրավունքների պաշտպանի ինստիտուտի հետ։
«ՄԻ պաշտպանի գրասենյակը չափազանց զգուշավոր, երկչոտ եւ անողնաշար մարմին է եւ այլեւս ոչ մի հարցով ես նրան չեմ դիմի, թաքցնում են հանցագործությունը»,- ասաց քաղաքացիական ակտիվիստը։
Ի նշան բողոքի՝ նա այսօր ՄԻ պաշտպանի գրասենյակի դիմաց 24 ժամյա հացադուլ եւ նստացույց սկսեց։ Միայն ժամանակի սղությունն է պատճառը, որ այն կտեւի մեկ օր։
Գասպարին նշում է, որ երբ օգոստոսի 23-ին Երեւանի քաղաքապետարանի առջեւից բերման է ենթարկվել ոստիկանության բաժին, կապվել է ՄԻՊ արագ արձագանքման գրասենյակ եւ տեղյակ պահել, որ իրեն ոչ մի փաստաթուղթ չի ներկայացվում։ Սակայն ոչ մի արձագանք. «ՄԻՊ-ը այն բացառիկ մարմինն է, որը իրավունք ունի ոստիկանություն մուտք գործելու, այսինքն՝ ինքը տեղյակ է այդ մասին, որ ինձ բերման են ենթարկել եւ առանց փաստաթղթերի ձեւակերպման, ինձ հարկադրանքով դուրս հանել»,- ավելացրեց Գասպարին։
Մանրամասն՝ կարդացեք այստեղ
Ցանկալի կլիներ, որ հայտարարեր ԱՆԺԱՄԿԵՏ հացադուլ: