«Սերժ Սարգսյանի շախմատային կոմբինացիան բերեց այսպիսի արդյունքի, որը շատերի համար գուցե անակնկալ էր: Խաբե՞լ է Սերժ Սարգսյանը, թե՞ ոչ՝ դա արդեն իրեն պետք է հարցնել, ես գտնում եմ, որ սխալ մոտեցում էր, որն իր արդյունքը չի տալիս, որովհետեւ ժողովուրդը պետք է վստահություն ունենա իր իշխանության նկատմամբ»,- «Սլաք» ակումբում ասաց ՀԴԿ առաջնորդ Արամ Սարգսյանը, պատասխանելով հետեւյալ հարցին` համաձա՞յն չեք, որ Սերժ Սարգսյանը չորս տարի շարունակ խաբել է ժողովրդին:
Արամ Սարգսյանը վստահեցրեց, որ Մաքսային միությունում հաջողելու համար մեր երկիրը պետք է պայքարի կոռուպցիայի, աղքատության եւ արտագաղթի դեմ:
Հարցին էլ՝ կոռումպացվա՞ծ է արդյոք երկրի իշխանությունը, թե՞ ոչ, Արամ Սարգսյանն հերթականությամբ շեշտելով մեր թերությունները, պատասխանեց. «Եթե Հայաստանում կոռուպցիա չլիներ՝ մենք բյուջեի այդքան կորուստ չէինք ունենա…»:
Եվա ՀԱԿՈԲՅԱՆ
Կարդացեք նաև
