Օրեր առաջ տեղի էր ունեցել «Վիլնյուսի նախաշեմին Եվրասիական ինտեգրման գործընթացներին Հայաստանի մասնակցությունը» թեմայով կլոր սեղան, որի հյուրերի ցանկում էր նաև ՀՀ ԱԺ պատգամավոր, ԲՀԿ մամլո խոսնակ Տիգրան Ուրիխանյանը:
Այսօր Aravot.am-ում հրապարակվել էր Տիգրան Ուրիխանյանի հարցազրույցը, որտեղ վերջինս նշել էր, որ վերը նշված կլոր սեղանի հյուրերից ներկա էր միայն նա: Այդ կապակցությամբ ձեզ եմ ներկայացնում այդ ապատեղեկատվությունը մասին ողջ ճշմարտությունը, մինչ կլոր սեղանի սկսելը, ցուցակով հրավիրված հյուրերը արդեն ներկա էին, որից հետո եկավ նաև Տիգրան Ուրիխանյանը: Սակայն այսօր Ուրիխանյանը սուտ հայտարարություններով է հանդես գալիս, որտեղ նշում է, որ կլոր սեղանին միայն ինքն է ներկա եղել:
Տ. Ուրիխանյանի այսպես կոչած «խղճուկ կոնֆերանսը» անցել է բարձր մակարդակով, որին ներկա էին ԲՀԿ-ի երիտասարդների միության արտաքին կապերի խորհրդի նախագահ Մարիամ Հովսեփյանը, Սոցիալիստական շարժման ղեկավար Ռոբերտ Ահարոնյանը, «Ինտեգրացիա և զարգացում» հետազոտության և վերլուծության կազմակերպության նախագահ Արամ Սաֆարյանը, «Եվրասիական ինտեգրացիա» ՀԿ-ի ղեկավար Բաբկեն Հարությունյանը, Ղազախստանի դեսպանատան խորհրդական Ալմատ Տոեկինը և այլ ՀԿ-ների ներկայացուցիչներ:
Կարդացեք նաև
Այն որ ԲՀԿ-ը միշտ եղել է երիտասարդների կողքին, իսկ կլոր սեղանի մասնակիցների մեծ մասը երիտասարդ քաղաքագետներ և տնտեսագետներ էին, արդյոք արժեր, որ ԱԺ պատգամավորը այդպիսի կլոր սեղանը համարեր «խղճուկ»:
Հույս ունենք, որ պատգամավորը վերջ կտա նմանատիպ հայտարարություններին, կսահմանափակվի այսքանով, քանի որ մենք ժամանակ չունենք զբաղվելու ԱԺ պատգամավոր, ԲԿՀ մամլո խոսնակ Տիգրան Ուրիխանյանի PR-ով:
«Վիլնյուսի նախաշեմին Եվրասիական ինտեգրման գործընթացներին Հայաստանի մասնակցությունը» թեմայով կլոր սեղանի կազմակերպիչ, «Եվրասիական ինտեգրացիա» ՀԿ փոխնախագահ Արման Ղուկասյան
Մանրամասները՝ միջոցառման մասին պատմող տեսանյութում:
