Azatutyun.am. Կիևում չորրորդ օրը չդադարող ժողովրդական հուզումները հնարավորության պատուհան են բացում Ուկրաինայի համար և պաշտոնական Կիևը կարող է վերանայել իր որոշումը, ըստ որի ԵՄ-ի հետ դադարեցվեցին Ասոցացման համաձայնագրի շուրջ աշխատանքները, «Ազատության» հետ զրույցում նման կարծիք հայտնեց Հայաստանում Ուկրաինայի նախկին դեսպան Ալեքսանդր Բոժկոն:
«Կարծիքներ կան, որ Վիլնյուսում Յանուկովիչը դեռ կարող է ստորագրել պայմանագիրը: Ես գտել եմ մի տեղեկություն, որտեղ գրված է, որ իբր թե նախագահը շարունակում է բանակցություններ անցկացնել Եվրամիության ներկայացուցիչների հետ: Էլի խոսքը գնում է ֆինանսական հարցերի ու հատուցման՝ այսպես ասած ինչ կլինի, եթե, ասենք, Ուկրաինան ստորագրի այդ պայմանագիրը և ճնշում կլինի Ռուսաստանի կողմից», – մեկնաբանեց նախկին դեսպանը:
«Շատ կարևոր է, որ երեկ ընդդիմությունը հավաքել է բազմահազարանոց հանրահավաքը: Ասում են, որ նարնջագույն հեղափոխությունից հետո առաջին անգամ է, որ այնքան շատ մարդ է դուրս եկել Կիևի կենտրոնում՝ ավելի քան 100 հազար մարդ է հավաքվել: Դա նշանակում է, որ Ուկրաինայի ժողովրդի զգալի մասը պահանջում է, որ Եվրամիության հետ փաստաթուղթը պետք է ստորագրի Վիլնյուսում», – ասում է Ալեքսանդր Բոժկոն:
Կարդացեք նաև
Մանրամասները՝ Azatutyun.am.-ի կայքում:
