Այսօր կայացած Երեւանի ավագանու հերթական նիստի ժամանակ «Բարեւ Երևան» խմբակցության անդամ Ստյոպա Սաֆարյանը քաղաքապետին հարց հղեց՝ ինչո՞ւ իրենց նախաձեռնությունը՝ Երեւանի քաղաքի կանոնակարգում փոփոխություններ կատարելու, մասնավորապես, ավագանու նիստերը առցանց հեռարձակելու վերաբերյալ փոփոխությունը, ինչը նախատեսում է բյուջեից որոշ չափով հատկացում, ընդգրկված չէ օրակարգում: Ստյոպա Սաֆարյանի հարցին՝ ինչո՞վ է պայմանավորված այդ մոտեցումը, քանի որ դա գնահատում է ցանկության բացակայություն՝ Տարոն Մարգարյանը պատասխանեց. «Դա ընդամենը ձեր կարծիքն է»:
Քաղաքապետը նաեւ ասաց, որ, չնայած այդ հարցին անդրադարձել են, բայց նորից կպատասխանեն, ինչն էլ արեց Իրավաբանական վարչության պետ Զավեն Առաքելյանը, որի մեկնաբանմամբ՝ սահմանված կարգի համաձայն պետք է նախաձեռնությունը երկու շաբաթ առաջ ներկայացվեր, ինչը չի նշանակում երկու շաբաթվա ընթացքում, բացի այդ՝ ցանկացած նախաձեռնություն նախ պետք է դրվի ավագանու քննարկմանը:
Զավեն Առաքելյանի խսոքով՝ «Նման նախաձեռություններ կան նաեւ մյուս խմբակցություններից»:
Ստյոպա Սաֆարյանի հաջորդ հարցին էլ՝ արդյոք իրենց այդ նախաձեռնությունը մյուս ավագանու նիստին կքննարկվի՞, Զավեն Առաքելյանը պատասխանեց, որ այն կդրվի քննարկման:
Կարդացեք նաև
Տարոն Մարգարյանն էլ հավելեց, որ իրենք դեմ չեն, որ ավագանու նիստերն օնլայն հեռարձակվեն եւ ավելացրեց, թե կայքը տեխնիկապես այդ հագեցվածությունը չունի, ու պարզ չէ թե որքան գումար է անհրաժեշտ այդ փոփոխությունը կատարելու համար:
Եվա ՀԱԿՈԲՅԱՆ
