1in.am. Իրանի միջուկային ծրագրի շուրջ վեցյակի ձեռք բերած պայմանավորվածությունը բավական կոնկրետացել է Իրանի հանդեպ կիրառված պատժամիջոցների մեղմացման, իսկ որոշ դեպքերում նույնիսկ վերացման հնարավորությունը:
Ակնհայտ է, որ Իրանի շուրջ սեղմված օղակը կարծես թե թուլանում է, ինչը նշանակում է, որ Իսլամական հանրապետության միջուկային ծրագիրն իսկապես առժամանակ սառեցվելու, և կամ դադարեցվելու է: Ակնհայտ է, որ տարածաշրջանում հասունացել են աշխարհաքաղաքական որոշակի ծրագրեր, որոնց ճանապարհին կանգնած էր Իրանը և Ժնևում կայացած պայմանավորվածությունից հետո Իրանը կամավոր կմիանա այդ ծրագրերին: Այդ ամենում մեզ համար առաջնային հետաքրքրություն, բնականաբար, ներկայացնում է Հայաստանի ունեցած դերը կամ նշանակությունը, կամ առկա գործընթացների հնարավոր ազդեցությունը Հայաստանի վրա:
Դատելով ՀՀ իշխանության ունեցած մտավոր ռեսուրսից երևի թե չափազանցություն կլինի Հայաստանի դերի և նշանակության մասին խոսելը, և առավել մեծ է հավանականությունը, որ Հայաստանն այդ հարցում էլ կարող է ընդամենը մնալ «արանքում»` այս անգամ աշխարհի և Իրանի արանքում: Բանն այն է, որ եթե Իրանի շուրջ սեղմված օղակը թուլանում է, ապա Հայաստանին մնում է որոշել մնալ այդ օղակից նե՞րս, թե՞ դուրս: Ներս լինելու հանգամանքի և դրա հետևանքի մասին խոսելը, թերևս, լիովին ավելորդ է, և եթե դեպքերը այդօրինակ զարգացում ունենան, և սեղմված օղակը շարունակի թուլանալ, ապա պետք է հուսալ, որ ՀՀ իշխանությունը գոնե կգիտակցի, որ ՀՀ շահից է բխում մնալ օղակից դուրս, որովհետև Իրանը մեզ համար կարևորագույն հարևան է` թե տնտեսական, թե աշխարհաքաղաքական հարցերում:
Եղիազար Այնթափցի
Կարդացեք նաև
Նյութն ամբողջությամբ կարող եք կարդալ սկզբնաղբյուր կայքում:
Լուսանկարը՝ 1in.am-ի
