ՀՀԿ ԳՄ այսօրվա նիստում քննարկվել են ներկուսակցական, ներքաղաքական եւ արտաքին քաղաքական հարցեր: Նիստից հետո լրագրողներին ասաց ՀՀԿ խոսնակ Էդուարդ Շարմազանովը:
Ըստ նրա, կուսակցության նախագահը՝ ՀՀ նախագահ Սերժ Սարգսյանը, ներկայացրել է Վիեննայի հանդիպման արդյունքները. «Ինչը հայկական կողմը գնահատում է նորմալ եւ դրական, որովհետեւ վերսկսվել են բանակցությունները: Եվ հայկական կողմը, որպես խաղաղ բանակցությունների կողմնակից, խաղաղ բանակցությունները միակ կարգավորման միջոց դիտարկող կողմ, դրական է գնահատում, որ բանակցությունները վերսկսեցին: Այս առումով եւս մեկ անգամ պետք է վերահաստատենք, որ բանակցելը շատ ավելի լավ է, քան՝ չբանակցելը»:
Պարոն Շարմազանովը, անդրադարձավ նաեւ Մոսկվայում Էրդողանի այն հայտարարությանը, թե Մոսկվան եւ Թուրքիան պետք է համատեղ քայլեր ձեռնարկեն Ղարաբաղի հիմնահարցի վերաբերյալ. «Տարածաշրջանային երկրները պետք է շահագրգռված լինեն, որ Հարավային Կովկասում լինի խաղաղություն: Բայց այստեղ անելիք ունի նախ եւ առաջ Թուրքիան: Նա նախ եւ առաջ պետք է դադարեցնի Հայաստանի շրջափակումը, դադարեցնի միակողմանի ադրբեջանամետ դիրքորշումը ԼՂ կարգավորման գործընթացում եւ երրորդը՝ չպետք է խառնվի խնդրի կարգավորմանը: Այս երեք պայմանների դեպքում կարծում եմ՝ Թուրքիան օգնած կլինի խաղաղ կարգավորման զարգացմանը»:
Կարդացեք նաև
Արփինե ՍԻՄՈՆՅԱՆ
շարմազանովի նշած երեք պայմանները հարկավոր է շտապ հաղորդել թուրքիայի իշխանությանը, և
տալ երեք օրվա ժամկետ, այն կատարելու: