Նախագահ Սերժ Սարգսյանն այսօր այցելել է Հայաստանի ազգային պատկերասրահում ՀՀ ազգային արժույթի թողարկման 20-րդ տարեդարձի կապակցությամբ ՀՀ կենտրոնական բանկի (ԿԲ) կազմակերպած ցուցահանդես, որտեղ ներկայացել են 1994թ-ից մինչ այսօր ԿԲ-ի թողարկած բոլոր հուշադրամները: Ցուցահանդեսի շրջանակներում կայացել է նաև 2013թ. թողարկված «Հայկական այբուբենի տառերը» հուշադրամների շարքի շնորհանդեսը՝ հայկական տառերի ոսկե և արծաթե հուշադրամների հավաքածուի ներկայացմամբ: Այն համալրում է բանկի թողարկած «Հայոց գրերի գյուտի 1600-ամյակին», «Սահակ Ա Պարթևին», «Վռամշապուհ արքային» նվիրված հուշադրամների շարքը:
Ցուցադրությունը դիտելուց հետո, Հանրապետության Նախագահը մասնակցել է դրամի 20-ամյակի և բանկային աշխատողի օրվա առթիվ ԿԲ-ի հրավիրած ընդունելությանը:
ՀՀ նախագահի աշխատակազմ
