Նոյեմբերի 22-ին Հայաստանի Գրողների միության նախագահ Էդվարդ Միլիտոնյանը հայ գրողներին ներկայացրեց Բելոռուսիայում լույս տեսած “Люблю тебя, отчезна” («Սիրում եմ քեզ, հայրենիք») գիրքը:
Գրքում տեղ են գտել հայ եւ բելառուս գրողների ստեղծագործությունները ռուսերեն թարգմանությամբ:
Գիրքը լույս է տեսել “Созвучие сердец” (Սրտերի ներդաշնակություն) շարքի շրջանակներում: Շարքի նպատակն է ընթերցողին ծանոթացնել ԱՊՀ երկրների լավագույն գրողներին: Գրքի շնորհանդեսը տեղի է ունեցել ե՛ւ Մինսկում, ե՛ւ Մոսկվայում:
Էդվարդ Միլիտոնյանը կարծում է, որ շատ լավ նախագիծ է.
Կարդացեք նաև
«Ընթերցողն էլ պետք է իմանա, որ գրական պատերն շարժուն են եւ անընդհատ ծրագրեր են իրագործվում: Եվ սա վերջնական չէ, հենց այս հրատարակչության հետ մենք շարունակելու ենք աշխատել»:
Էդվարդ Միլիտոնյանը նշեց, որ Մինսկի եւ Մոսկվայի շնորհանդեսների ժամանակ եղան նոր գրքերի, նոր ծրագրերի ցանկություններ.
«Առաջիկայում նրանք ասացին, որ աշխատենք զուտ բանաստեղծների անթոլոգիայի ուղղությամբ: Պետք է ընտրենք 33 բանաստեղծի եւ այդ անթոլոգիան առաջիկայում կազմենք եւ տրամադրենք: Մենք նաեւ պիտի, այսպես ասած, վարձահատույց լինենք Հայաստանում հրատարակելով բելառուս ընկերների անթոլոգիան»:
Գրքում տեղ են գտել 15 հայ հեղինակների ստեղծագործություններ, որոնցից 6-ը արձակագիր են, իսկ 9-ը՝ բանաստեղծ: Ընտրվել են նախագահի եւ պետական մրցանակներ ստացած հեղինակները:
Ամի ՉԻՉԱԿՅԱՆ
