Ազատամարտիկ Սուրեն Սարգսյանն այսօր ասաց, որ ազատամարտիկները կուսակցությունների հետ համատեղ դեկտեմբերի 10-ին՝ մարդու իրավունքների պաշտպանության միջազգային օրը, մեծ հանրահավաք են պատրաստվում անցկացնել:
«Այդ օրը պետք է կուսակցությունների հետ ուժի ցուցադրություն կազմակերպենք, որ պատրաստակամ ենք եւ մեր իրավունքները պաշտպանելու ենք… կարող ենք վերջապես համախմբվել եւ հայտարարել, որ այսպես չենք թողնելու, որ Հայաստանում խախտումներ կան՝ ընտրախախտումներից մինչեւ հանքերի գրավումը… մեր հաջորդ հավաքին ցույց կտանք, թե խեցգետինները որտեղ են ձմեռում: Երկիրը պետք է աշխատի այնպես, ինչպես նորմալ պետությունը: Այսպես երկիր չեն պահում, այսպես անխնա անգամ կին չեն բռնաբարում»,- այսօր «Տեսակետ» ակումբում ասաց պարոն Սարգսյանը:
Նրա խոսքով` շարունակում են կուսակցությունների հետ կլոր սեղան քննարկումները, իսկ թե ինչ են քննարկում փակ դռների հետեւում, նա այսօր «Տեսակետ» ակումբում չցանկացավ մանրամասնել:
Պարոն Սարգսյանը նաեւ ռազմադաշտային խորհրդի իրենց հայտարարությունն էր հետը բերել ԱԺ ՀՀԿ պատգամավոր Կարինե Աճեմյանի հայտարարությանն ի պատասխան:
Հիշեցնենք, որ տիկին Աճեմյանն ասել էր, որ ազատամարտիկների ցանկության դեպքում, ՀՀԿ-ն երկխոսության սեղանի շուրջ կարող է նստել ազատամարտիկների հետ:
Պարոն Սարգսյանի բերած հայտարարությունը երեկ Ազատության հրապարակում ներկայացրել էր նաեւ փոխգնդապետ Խաչիկ Ավետիսյանը:
Կարդացեք նաև
Արփինե ՍԻՄՈՆՅԱՆ
