Նախօրեին «ՀԺ»–ի խմբագրություն են դիմել «Հարավկովկասյան երկաթուղիներ» ընկերության անվտանգության 10 նախկին աշխատակիցներ, հայտնելով, որ ընկերությունն իրենց հետ փոխհարաբերություններում օրենք է խախտել՝ զրկելով աշխատավարձից։ «Հարավկովկասյան երկաթուղիներ» ՓԲԸ նախկին աշխատակիցների ասելով՝ խոսքը 23 միլիոն դրամ ընդհանուր գումարի մասին է։
Ըստ մեզ դիմած քաղաքացիների, բոլոր դժբախտությունները սկսվել են ազգությամբ թաթար Շեւքեթ Շայդուլինի՝ «Հարավկովկասյան երկաթուղիներ» ՓԲԸ տնօրեն նշանակվելուց հետո։ «Երբ 2008 թվականին «Հայկական երկաթուղին» անցավ Ռուսաստանի դաշնության կառավարմանը եւ վերանվանվեց «Հարավկովկասյան երկաթուղի», սկզբում նույնիսկ աշխատատեղեր բացվեցին եւ նկատվեց աշխատավարձերի բարձրացում։ Կարճ ժամանակ անց ամեն բան փոխվեց։ Թերթերում հնչեցին գումարների փոշիացման եւ այլ խախտումների մասին մեղադրական հոդվածներ։ Հետո նախկին վարչության պետ Կուզնեցովին փոխարինեց ազգությամբ թաթար Շեւքեթ Շայդուլինը, որի օրոք սկսվեցին կադրերի կրճատման քաղաքականությունը եւ այլ անօրինականություններ։ Շուտով մամուլում հնչեցին հոդվածներ, թե իբր Շայդուլինը նույնիսկ իսլամիստ ծայրահեղականների է ֆինանսավորել եւ վիրավորական արտահայտություններ արել՝ վիրավորելով հայ մարդկանց արժանապատվությունը։ Նման մթնոլորտում, որը ստեղծվել էր ընկերությունում, շատ մասնագետներ հեռացան աշխատանքից, որոշ ըմբոստներ էլ ստիպված հեռացան՝ թեկուզ սեփական դիմումի համաձայն»,- պատմում են ընկերության արդեն նախկին աշխատակիցները:
Գագիկ ԱՂԱԲԱԼՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
