Հայաստանից ստացված հրավերը սովորական գործընթաց է և պետք չէ գագաթնաժողովի հրավերները տարբերակել միմյանցից, ասել է Թուրքիայի արտգործնախարար Ահմեդ Դավութօղլուն, որը հրավեր է ստացել մասնակցելու Սևծովյան տնտեսական համագործակցության երևանյան գագաթնաժողովին: Հայտում է «Միլիյեթ» թերթը:
«Դեկտեմբերի 12-ին Երևանում կայանալիք Սևծովյան տնտեսական համագործակցության կազմակերպության հանդիպման հրավեր ստանալը սովորական արարողակարգ է: Բոլոր անդամները հրավիրվել են այդ հանդիպմանը: Պետք չէ այս հրավերները իրարից տարբեր դիտարկել», – ասել է Դավութօղլուն Մեծ Բրիտանիայի արտգործնախարար Ուիլյամ Հեյգի հետ Թուրքիայում կայացած հանդիպմանը հաջորդած մամուլի ասուլիսի ժամանակ:
Դավութօղլուն նշել է, որ իրենք ցանկանում են բարելավել հայ-թուրքական հարաբերությունները և լուծել Հայաստանի և Ադրբեջանի միջև խնդիրները. «Մենք ամեն ինչ անում ենք, որ այն իրականանա», – ասել է թուրք պաշտոնյան:
Կարդացեք նաև
Պատրաստեց Հովհաննես ԻՇԽԱՆՅԱՆԸ
