Քրեական վերաքննիչ դատարանում ժամը 4-ին նշանակվել է Վարդան Պետրոսյանի կալանքի գործով նրա պաշտպան Նիկոլայ Բաղդասարյանի բողոքի քննությունը:
Դատարան դեռ չի ներկայացել ոստիկանության Կոտայքի քննչական բաժնի քննիչ Հայկ Հակոբյանը, ում միջնորդությամբ 2 ամսով կալանվեց Վարդան Պետրոսյանը: Այսօր տուժողների ներկայացուցիչ, փաստաբան Մարատ Գինոսյանի փոխարեն դատարան է ներկայացել մեկ այլ փաստաբան՝ Ռուբեն Բալոյանը: Նա ճանապարհատրանսպորտային պատահարների գծով համարվում է լավագույն իրավաբաններից մեկը: Վերաքննիչ դատարանում նիստն ընթանալու է դռնփակ ընթացակարգով:
Մուտքի մոտ Վարդան Պետրոսյանի համակիրներն են՝ «Ոչ կալանքին», «Արդար դատավարություն», «Դեմ ենք ապօրինի կալանքին» ցուցապաստառներով:
Այստեղ են նաեւ «Ժառանգություն» կուսակցության անդամներից Անահիտ Բախշյանը եւ Ստեփան Սաֆարյանը, նկարչուհի, Վարդան Պետրոսյանի ստորագրահավաքի կազմակերպիչներից Զարուհի Մուրադյանը:
Կարդացեք նաև
Վարդան Պետրոսյանի կալանքի դեմ բերված բողոքի գործով դատավոր Արշակ Խաչատրյանը մտել է խորհրդակցական սենյակ: Ըստ նախնական տեղեկատվության, որոշումը կհրապարակվի ժամը 18.10-ին:
Ռուզան ՄԻՆԱՍՅԱՆ
