Վերաքննիչ քաղաքացիական դատարանը՝ դատավորներ Ն. Տավարացյանի, Ա. Պետրոսյանի, Դ. Խաչատրյանի մասնակցությամբ, հրապարակեց «Օլիմպ» (նախկին «Միլանո») արտադրական միավորման վերաբերյալ 14.06.2013թ. Կենտրոն եւ Նորք-Մարաշ վարչական շրջանների ընդհանուր իրավասության դատարանի վճռի դեմ բերված բողոքը:
Հիշեցնենք, որ «Օլիմպ»- «Միլանոն» դատի էր տվել Հայաստանի Հանրապետությանը, «ԱՎՈ ՖՄ» ընկերությանը՝ պատասխանողներից պահանջելով Երեւանի Աբովյան 4 հասցեում գտնվող շինության 2-րդ, 3-րդ հարկերի, նկուղի նկատմամբ փոխհատուցման պայմանագիր կնքելու պահանջով: Ընդհանուր իրավասության դատարանը մերժել էր:
Այսօր «Միլանոյի» ներկայացուցիչներ, փաստաբաններ Հայկ Ալումյանի, Տիգրան Հայրապետյանի բերած բողոքը մերժվեց, վճիռը մնաց օրինական ուժի մեջ, այն կարող է բողոքարկվել մեկ ամսում: Տիգրան Հայրապետյանը Aravot.am-ին ասաց, որ բողոքարկելու է վերոնշյալ որոշումը:
Ռուզան ՄԻՆԱՍՅԱՆ
