Սա Գյումրու ստրատեգիական նշանակություն ունեցող «Շիրակ» օդանավակայան տանող ճանապարհն է, որը պարզվում է՝ տեսքի են բերում միայն ռուս գահակալների՝ Գյումրի ժամանելուց: Գյումրեցիների հիշելով՝ այս ճանապարհը վերջին անգամ քիչ թե շատ վերանորոգվեց ճիշտ այն ժամանակ, երբ 2010 թվականի ամռանը իրենց հյուրընկալվեց ՌԴ նախագահ Դմիտրի Մեդվեդեւը: Ու թեեւ Մեդվեդեւը սեփական ուղղաթիռով վայրէջք կատարեց Գյումրու մարզադաշտում, սակայն փոխարենը նրան ուղեկցող անձնակազմը ժամանեց օդանավակայան:
Այժմ էլ այս ճանապարհը գիշեր ու ցերեկ վերանորոգում են Պուտինի պատվին ու նրա ապահովության համար… Իսկ եթե նա դեկտեմբերի 2-ին պատահաբար որոշի պտույտ տալ Գյումրիով մե՞կ, հետաքրքիր է` այդ դեպքում ինչպե՞ս են այս քաղաքի ռմբակոծված փողոցների ցեխից ու այլ վտանգներից փրկելու Վլադիմիր Վլադիմիրովիչին:
Ի դեպ, գյումրեցիները հերթ են կանգնել «սովետի թագավորին» իրենց դռներում հյուրընկալելու համար. «գազից խեր չտեսանք, գոնե գա ցեխից փրկի…»:
Ն. ԱՐԵՎՇԱՏՅԱՆ
Կարդացեք նաև
«Առավոտ» օրաթերթ
