«Փաստարկ» ակումբի այսօրվա հյուրը՝ «Նորավանք» հիմնադրամի տնօրեն Գագիկ Հարությունյանը, կարծում է, որ Մաքսային միությանն անդամագրվելու մասին Հայաստանի մտադրության բարձրաձայնումից հետո մրցակցային դաշտ է ստեղծվել Հայաստանի շուրջ, եւ Հայաստանի հանդեպ հետաքրքրությունը մեծացել է:
Պարոն Հարությունյանն ասաց, որ ներկայումս աշխարհաքաղաքական զարգացումները տանում են նրան, որ չի բացառվում, որ Հայաստանը գնա ոչ թե եվրաինտեգրման, այլ՝ եվրաատլանտյան ինտեգրման:
Նա հիշատակեց ամերիկյան մի հեղինակավոր ամսագիր, որում մի քանի հայտնի դեսպաններ խոսել են այն մասին, որ ԱՄՆ-ը պետք է ձգտի ստեղծել Եվրամիություն- Եվրասիական միություն- ԱՄՆ եռաչափ հարաբերություններ, եւ ԱՄՆ օժանդակությամբ ԵՄ-ն ու Եվրասիական միությունը ոչ թե մրցակցեն, այլ համերաշխ գործակցեն. «Գուցե սա տեղավորվում է ամերիկյան ռազմավարության մեջ, ես այն վերլուծաբաններից եմ ,որ ողջունում են մեծ Եվրոպան, անգամ եթե այն սկսվի Սան Ֆրանցիսկոյից եւ ձգվի մինչեւ…. »:
Պարոն Հարությունյանը կարծում է, որ Պուտինի՝ Հայաստան կատարելիք այցի ընթացքում կարվեն Հայաստանի՝ Մաքսային միություն մտնելու հետ կապված որոշ կարգավորումներ: «Հաշվի առնելով, որ Հայաստանի մուտքը Մաքսային միություն՝ ամրապնդեց Ռուսաստանի դիրքը մեր տարածաշրջանում, նրանք էլ պետք է փորձեն հասկանալ մեր անվտանգության խնդիրները եւ Ղարաբաղի համար ավելի լուրջ աջակցություն ունենան»:
Կարդացեք նաև
Մելանյա ԲԱՐՍԵՂՅԱՆ
