Aravot.am-ի հարցին պատասխանելով՝ Դուք նույնպե՞ս համոզված եք, որ նախագահների` օրերս կայացած Սարգսյան-Ալիեւ հանդիպումը, ոչինչ չասող հանդիպում էր, Արեւելագիտության ինստիտուտի տնօրեն Ռուբեն Սաֆրաստյանը ասաց. «Չեմ ասի թե դա ոչինչ չասող հանդիպում էր, ես այն կվերագրեմ իբրեւ բանակցային գործընթացի նոր փուլի, ռաունդի սկիզբ: Ես հույս ունեմ, որ այս ռաունդի ժամանակ դրա պատասխանը կտրվի: Ադրբեջանը կիրառում է հատուկ մշակված դիվանագիտություն, ժամանակ առ ժամանակ լարվածություն է ստեղծում հայ-ադրբեջանական սահմանի վրա, այդպիսի հատուկ մշակված քաղաքականություն է վարում: Բայց սա չի ընդունվում, քանի որ զինադադարի խախտում է տեղի ունենում: Ես հույս ունեմ, որ Մինսկի խմբի համանախագահները կստիպեն, որ Ադրբեջանը վերջ տա իր այդ գործողություններին, վարած քաղաքականությունը փոխի, քանի որ բանակցային գործընթացը պետք է շարունակվի զինադադարի պարագայում»:
Հարցին ի պատասխան` Մինսկի խումբը կկարողանա՞ արդյոք կանխել Ադրբեջանի գործողությունները` Ռուբեն Սաֆրաստյանը ավելացրեց, որ ամեն դեպքում պետք է լավատես լինել`«Կարծում եմ համանախագահները պետք է քննարկեն այս հարցը եթե ուզում են եւ շահագրգիռ են, որ բանակցային գործընթացը նորմալ անցնի»:
Եվա ՀԱԿՈԲՅԱՆ
