Այսօր «Peoplemeter» ակումբում Արեւելագիտության ինստիտուտի տնօրեն Ռուբեն Սաֆրաստյանը խոսելով հայ-թուրքական հարաբերությունների մասին ասաց, որ
տեղաշարժերի համար հարկավոր են նախադրյալներ, իսկ ինքն այս պահին դրանք չի տեսնում:
«Չեմ կարծում, թե Թուրքիայում կվերանայեն հայ-թուրքական հարաբերությունների հետ կապված հարցը»,- նշեց Ռուբեն Սաֆրաստյանը:
Անդրադառնալով Դավութօղլուի հայտարարություններին, Ռուբեն Սաֆրաստյանը հավելեց, որ նա դրանցով հիմնականում հող է նախապատրաստում, քանի որ հայոց ցեղասպանության ճանաչման հարյուրերորդ տարելիցի հարցը կա:
Ինչ վերաբերվում է նրա այցին` Հայաստան, ապա ըստ Ռուբեն Սաֆրաստյանի`Դավութօղլուի այցը, որպես այդպիսին, հայտնի չէ տեղի կունենա՞, թե՞ ոչ, նա դեռ չի ասել իր վերջնական որոշման մասին՝ կգա՞ նա Հայաստան, թե՞ իր տեղակալներից որեւէ մեկին կուղարկի` պարզ չէ:
Կարդացեք նաև
Ռուբեն Սաֆրաստյանը նաեւ ասաց, որ այսօր Թուրքիան շարունակում է իր ոչ խելամիտ արտաքին քաղաքականությունը վարել տարածաշրջանում: Նա շարունակում է իր ավանտյուրիզմը, որը վտանգավոր է եւ իր, եւ տարածաշրջանի համար:
Նա նաեւ նշեց, որ Թուրքիայի տնտեսությունը գնալով քայքայվում է:
Եվա ՀԱԿՈԲՅԱՆ
